الالام الظهر فالشهر الاول
السلام عليكم
صديقتي كانت مركبة لولب و حملت عليه و يوم اخرت عليها الدوره راحت العيادة و قالولها انها حامل و لازم ايشيلون اللولب و شلولها اياه
بس قالت لها الدكتوره في احتمال نزول البيبي بعد ازالة اللولب
و هي اللحين 5 اسابيع و نص
و في نفس اليوم نزل لها دم ع البني و عقبها تم ماسكنها ويع في اسفل البطن و ويع قوي فالظهر
و مب عارفه شو سببب ويع الظهر
رغم انه عادة الويع في الظهر تكون بعد الشهر الرابع
افيدونا
هل معناته انه البيبي بينزل ولا شوو؟؟؟؟؟
حد استواله نفس حالتها في الشهر الاول ولا؟؟
محد رد ليش
حبيبتي عدلي الكلام في موضوعك انتي كتبتي موضوع بالاماراتي
عدلي الموضوع وسوي كلام عامي لانه مش كل البنات يعرفو لهجة الامارات
عشان يفيدونك اكثر
اما بنسبه لصديقتك ماعندي خبره ان شاءالله البنات يفيدونك اكثر
غاليتي,,
الاشهر الاولى مصاحب لها الم مثل الم الدوره اسفل الظهر واسفل البطن
اذا كانت محتمله كل ماعليها النوم والتزام الراحه اما اذا كانت غير محتمله
لازم لها مراجعت الطبيبه المتابعه لوضعها وعمل سونار والتطمن على حالة الجنين وسماع نبضه
خصوصا انها شالت اللولب اللي مفترض انه لا ينشال في الاشهر الاولى او يترك الى وقت الولاده
هذا تصرف غير مسؤول من الطبيبه ,,
اسأل الله لها التوفيق
