افيدونى الله يسعدكم يا الانسان اللى احبو او .

السلام عليكم ورحمة الله وبركاته

………………………………………….. …………………..

انا راح اتلكم بالغه العاميه اسمحولى :

انا بنت ادرس بالجامعه عمري 22 سنه .. بقول لكم شي ورجااء ما ابغا اسمع كلام جارح لانو قلبي خلاص منى عارفه افكر ولا ايش اسوي وحابه اخد مشورتكم لانى والله اعتبركم زى اخواتى

انا احب واحد ليا فتره طويله انا وياه مع بعض 4 سنين احبه ويحبنى لا تقولو كلام وكدا لانى متاكده من الشئ هادا التقدم ليا وتم الرفض بسبب ماعندو وظيفه

طبعا اهلى ما يعرفو انى احبه ولاشي لانو لو عرفو راحو يرفضو تماما المهم هوا حاليا قاعد يدور وظيفه وطبعاا عندنا بالسعوديه مو بالساهل يلاقي وظيفه المشكله انو صاحب اخويا كلم ماما على اساس تخطبلو وحده لانو ماما تعرف بنات كثير وكدا بحكم شغلها ولمن قعد الولد يكلم ماما
ماما جدا ارتاحت للولد فوق ما تتصور لدرجه قالت نفسي يكون لودحه من بناتى انا حسبت ماما تتكلم كدا من فراغ ما اعطيت الموضوع اى اهميه المهم جا اليوم الثانى وماما من جدها كلمت اخويا وقالت له مافى شي انك تقول للولد ليه ما تخطب اختى انا هنا بديت اتوتر واقلق من الموضوع
صح الولد مواصفاتو مرا ناايس وادب واخلاق مشاء الله اى احد يتمناه بس انا احب واحد ثانى حاولت اوقول لى ماما انو ما ابغا وكدا وخليه لى اختى الثانيه للى اصغر منى بس ابد مارضيت ولا اقتنعت بالموضوع
انا اييييش اسوي الله يسعدكم دحين ((لا تقولى قولى لى امك انك تحبي او اى احد ثانى قريب لى امك ويقولها لانو ماما لوعرفت راح تمحنى من وجه الارض ))

تخيلو يا بنات جبتها بالمزح قلت لها ما ابغا الولد هادا صاحب اخويا عارفين ايش قالت مو بكيفك اصلن بنات ماما انسانه متفهمه ودايمن تحل مشاكل بنات العائله اللى مثل حالتى يعنى تحب واحد وتقدم لها واحد ثانى وقالت لو تحطونى فى المواقف هادا صدقونى ماراح اظى عليكم

ايش اسوي يا بنات انا محتاره فوق ما تتصور الحمد الله رحت وسويت عمره واستخرت كثير فى العمره ولمن خلصنا العمره اخويا اتصل على ماما وبمجرد ما جات ماما اسم صاحب اخويا قلبي فرح مدري ليه

وبعدين قمت وصليت العشا ودعيت ربي من كل قلبي اول ما خلصت الصلاه وكبت السياره راجعين على مدينتى طول ما انا فى الطريق اقول ما ابغاااا صاحب اخوياا ابداااااااااااا

بنات من جد حاسه نفسي مخنوقه لدرجه ما تتخيلوها اول مره انحط فى موقف زى كدا وابداا منى عارفه

الانسان اللى احبو معاه السكر بس انا ماقلت له انو راح انخطب قلت لى اختو وهيا تقلو والله العظيم يا بنات انو تعبان من امس ولا قلى كمان انا عرفت من صوتو ولمن اقولو ايش فيك يقول مافنى شي عاتى

اييييييييييييييييييييييش اسوي الله يسعدكم منى عاااارفه ابداا

المشكله كمان ادا شافنى صاحب اخويا يعنى وقت الخطبه وكدا وقال طيب انا مقدر اقول لا والله مقدر مقدر انو ارفضو

ما ابغا اخيب ظن ماما واخويا فينى ابداا عارفه كلامى ملبخط ومدري كيف بس استحملونى واله انى اكتب ودموعى تنزل ومنى قادره ابين لى اهلى انى احب انسان ثانى فيدونى الله يسعدكم

((بزيكا .. ام حاتم .. يهمنى رائكم لانى احسكم مثل اخواتى واكثر ))