ارجوووووكم ساعدوني

السلام عليكم ورحمته وبركاته
مابي اطول عليكم بس حابه افتح قلبي ولا بنفجر
انا انخطبت وماوافقت الا بعد استخاره طبعا حبيته والله العالم اني حبيته اكثر من روحي وفي فترة الملكه يعني مادري كيف لكن كان مايدق كثير ولما ارسله مثلا اي رساله حتى ابيه بشي مايرد وكنت امشيها يقول ماشفتها او يتعذر وصار حتى لما ادق عليه مايرد مع اني كنت مادق كثير لكن شكيت بوضعه وصرت ادق تقريبا يوميا ومع هذا كنت امشي
وفي ظرف اربع شهور المهم توزجت
وكل شي ماشي تمام وبعد شهر او اقل رجع لنفس حالته اللي بفترة الملكه مع انو والله يحبني ومتأكده من هذا الشي لكن مجرد مايطلع من البيت مايرد ع اتصالاتي ولا يدق علي اصلا حيه ميته مايدري عني وكنت ساكنه بعماره لوحدي مافيها احد حتى جيران مافيه ويطلع من يوم يصحى ويجي وقت النوم يا بدوامه ولا يروح عند اهله ولا يروح اصحابه مع اني ماكنت مقصره والله معاه بشي
حتى ماكنت اعاتبه على كل روحاته ابدا
المشكله بدأت تزيد يعني حتى لو كنت تعبانه وراح مشوار مابيرد عليا
ولما اروح لاهلي كان يتركني اسبوعين شهر مايجي ولا يرد انا كنت اقول اكيد مايبغاني او اواو اواو
لكنه لما يجي يصير انسان ثااااااااني مو اللي تاركني ومايسأل عني المهم استمر هذا الحال كم شهر من زواجنا تقريبا اقل من سنه
انا مليت طبعا ووصلت لحد اني مو قادره انتظر ولا ثانيه ورحت لاهلي تركني عند اهلي خمسه شهور جا فيها مرتين وماطلعت له وكنت اجبر نفسي كنت اتمنى يعتذر لكنه مايحب يطلع نفسه غلطان ابداكبرياءه ما تسمح له طبعا انا ماتحملت هذا الاسلوب طلبت الطلاق منه بعد 8 شهور وانا جالسه معلقه

ووافق يطلق وانا بين مبسوطه وحزينه ادري بتقولوا ايش تبي فيه لكن مهما وصفت لكم طيبته معاي بالبيت فقط ولما يصصير انسان ثاني برا بالبيت ما تصدقوا

لاكن بقولك شي واتبعيه وإن شاءالله راح تستفيدين منه وتدعين لي

كلنا يمكن مرينا بمشاكل كثيره مع ازواجنا وتضايقنا من اطباعهم

والرجال عادتن طبعهم شوي غريب ويضايق
بما انك هلفتره عند اهلك

اكثري الأستغفار في اليوم اكثر من 1000 مره صلي صلاة الضحى اقري على نفسك سورة البقره وكل ماصليتي اقري على نفسك سورة الفاتحه سبع مرات تراها رقيه قومي اخر ثلث اليل وصلي الوتر

وادعي ربك ترا مايحل مشكلتك الا الله سبحانه وتعالى اكثري من قول لا اله الا انت سبحانك إني كنت من الظالمين اكثري من قول لا حول ولا قوة الا بااالله العلي العظيم تراها دواء لكل داء ايسرها الهم

حطي لك ضرف وكليوم اذا صليتي الفجر تصدقي في هذا الضرف حطي فيه ريال ريالين خمسه ريال الي تجود به نفسك يوميا متى ماحسيتي انها انه امتلى الضرف او كمل شهر عطيه المستحق جمعيه خيريه او اي شي

ادعي بسجودك

قولي اللهم يامسخر القلوب القاسيه والجبال الراسيه والقلوب العاصيه ويامسخر الريح لسليمان عليه السلام سخر لي جميع من في السموات والأرض وجميع الخلائق وسخر لي زوجي

اللهم قر عيني بزوجي وقر عينه بي

اللهم رد لي زوجي ردآ جميلا إنك على رجعه لقدير

اللهم ياجامع الناس ليوم لاريب فيه اجمعني بزوجي

وصدقيني ماتضيق الا عند الفرج إن شاءالله يمكن صايبتكم عين يمكن فيه شي ابن ادم يمر بضروف والحمدلله على كل حال

اصبري واحتسبي واكثري الدعاء

إن شاءالله بتنفرج وترجعون لبيتكم ويرجع وضعكم لأحسن

المؤمن مبتلى قولي الحمدلله على كل حال

وتأكدي إن مو بس انتي الي مريتي بهضرف كثير مر منا بهضرف والحمدلله تحسنت ورجعوا لبيوتهم وعندهم الحين عيال ومافيه احسن منهم

بس توكلي على الله وتقربي لله وإن شاءالله خير ياالغاليه