قصة ولادتى بناء على وعدى وطلب الجماهير

قصة ولادتى بناء على وعدى وطلب الجماهير

بسم الله الرحمن الرحيم

السلام عليكم ورحمة الله وبركاته

اخوااتى فى الله
كيف حالكن
بناء على رغبة الجماهير راح احكى قصة ولادتى اليوم
مع انى كنت هاجلها شوية

لكن غاليات والطلب رخيص

طبعا انا كنت منزلة موضوع الحوامل والصيام وكنا ندردش مع بعضنا فتقربنا من بعض اكثر
وصارت كل واحدة عايزة تطمن على اختها

المهم قبل يوم الوقفة كنت احس بتعب فى ظهرى
وكشفت نسا الطبيبة قالت ان الرحم مفتوح 3 سم انتظرى اسبوع كمان

طبعا انا قلت ازاى الرحم مفتوح كده ومافيه ولادة ولا شئ
ونزلت موضوعى فى القسم للاستفسار

وتجاوب معى الاخوات
المهم كشفت نسا بعد العيد وقالت الرحم مفتوح 4 سم خذى شربة زيت خروع
وامشى كتير وبكرة تروحى المستشفى
وتم المطلوب وشفت ليلة فظيعة رايحة جاية على الحمام _اعزكم الله_

المهم رحت تانى يوم المستشفى
كشفت طبيبة وقالت ولادة
راحت جت واحدة تانية
كشفت وطلعت عينى لدرجة انى صرخت
وقالت ولادة ايه
حرام عليكى
قلت لها يعنى الرحم مش مفتوح قالت مفتوح بس روحى اعملى نبض جنين
وعملت النبض بعد ساعتين
وبعدين شافته وقالت لى
روحى ولم تحسى بالطلق ابقى تعالى
طبعا خرجت والنفسية زى الزفت
وقلت لزوجى راح اولد بالبيت

المهم فى نفس اليوم بالليل

وكانت حوالى الثانية ونصف بالليل
كنت على المنتدى
واستاذنت اخواتى انى انام

ورحت انام الا لقيت افرازات بدم

وطبعا فزعت وقلت لزوجى
ودخلت المنتدى اطلب المساعدة من اخواتى ومن الدكتورة بشرى

المهم نمت وقلت بكرة اروح متابعة الحمل

لقيت زوجى كسلان مش عايز يروح شغله

قلت له
انا هاروح المتابعة تعال معى
المهم رحنا مشى على الاقدام حوالى محطتين
وده كان طلبى قلت فرصة امشى

رحت الدكتورة كشفت وقالت الرحم مفتوح خمسة لكن انتظرى يومين
ورجعنا مشى بناء على طلبى ايضا

وبالليل اخذنى زوجى ومشينا حوالى ساعة ونصف

المهم رجعت اكلت ربع رغيف ونمت حوالى الثانية بعد منتصف الليل
وتركت زوجى وابنتى
بعد شوية ابنتى تريد ان تنام مع اجدادها
قمت فتحت ليها الباب وانا متضايقة ورحت انام
الا ولقيم المياه تغرقنى ودى اول مرة الميه تنزل عليا
رحت فهمت انها ولادة
كلمت زوجى بالراحة وقلت له انت لسه نايم قالى اه
قلت له اصحى انا باولد
وكررتها ولقيته قام يجرى قلت له خدنى على الحمام
والمييه تنزل بون توقف
نزل بسرعة قال لامه
وغيرت ملابسى واحضر سيارة
وطبعا انا كنت مرتبة اولد فى مستشفى خاصة على يد دكتورة
ولما الموقف حصل فجاة قالوا نروح لاقرب مستشفى وفيها بيكون الموجودين رجال وحريم
المهم كنت خايفة الاقى طبيب

ولقيت طبيبة
كشفت عليا نسا وقالت روحى الان وتعالى الساعى 8 صباحا لكن نامى على جنبك ولا تتمشى واشربى عصاير

ورجعنا وعملت المطلوب والوجع كل خمسة دقايق
نام زوجى وامه وابنتى
وبعدين صحى زوجى قال نروح المستشفى
وانا خايفة من الولادة وخايفة الاقى طبيب
ورحنا وكشفت عليا طبيبة تانية

وقلت روحوا ادفعوا فلوس الولادة وطلعنا ونزلنا نلف على الاجراءات لحد ما حسيت انى تعبت
وصار كل الوجع ما يجى اكون على اخرى
وخلصت الاجراءات حوالى الساعة 11 ونصف

وطلعنا العنبر وقلت اروح الحمام ورحت
وكشفت الطبيبة وقالت الرحم 6 لسه بدرى
قلت لحماتى انا جعانة ومهبطة الدكتورة قالت ممكن عصير
وراحت ام زوجى وطلبت من زوجى احضار عصير
جت الممرضة علشان تعلق المحاليل قلت لها عايزة اروح الحمام الدكتورة قالت لا

المهم علقت المحاليل والطلق على اخره بقيت اقرا قران وصرخت قلت هاولد
جت الكتورة وبصت وقالت لسه بدرى

وانا على اخرى
قلت عايوزة اعمل حمام قلت اعملى على السرير وكنت حاطة بامبز
ورحت احذق بشدة ورجلى ترعش رعشة الولادة
خرجت حماتى تجيب العصير من زوجى
والا وحذقت وحسيت بالراس تنزل
صرخت قلت هاول
انا ولدت

راح الكل جرى وما سمعت غير ارفعوه
لان السونار قال بنوتة
وقطعوا السرة
وعلقوا المقص فيا
ودخلونى غرفة الولادة علشان التنظيف وخلافه
وولدت وبدات معاناتى مع الولادة والسهر

ورزقنى الله مولود ما شاء الله عليه
الله يحفظه
——————–
وعلى فكرة انا كنت حاسة انى حامل بولد لانى حملى فيه يشبه حملى باخوه
ولما قالوا بنت وتكررت الاشعة وقالوا بنت تانى
سكت
لدرجة ان حماتى كانت تضحك وتقولى انتى بتقولى حاسة انه ولد اهى هتجى بنت

وفى النهاية الله قادر وهو يعلم ما فى الارحام
وعقبال عندكم يا حبايب


يسعدني اني اكون اول وحده اتبارك لك بالولاده
وطبعا الحمد لله على سلامتك ويتربى بعزكم والحمد لله مفاجأه حلوه.
الله يحميه ويخليه
ديري بالك على نفسك واتغذي اكويسسسسسسسس.
مبااااااااااااااااااااااااارك

الحمد لله على سلامتك ويتربى في عزك وعز أبوه

ويجعله ولد صالح يارب


الحمدلله عالسلامه يتربى في عزكم ومبروك ماجاك الله يجعله من مواليد السعااااااااده

الحمد لله ع سلامتك وسلامه الولد… يربى بعزكم …
موفقة عزيزتي



الحمدلله على سلامتك وعلى سلامة البيبي

ومبروك ماجاكم


الف الحمدلله على سلامتك حبيبتي … ويا رب يجعله من البارين بك وبوالده

الف الف الف مبـــــــــــــــــــــــروك


حمدا لله على سلامتك حبيبتي وعلى سلامة المولود…يا رب يجعله من مواليد السعادة …ويكون بارا بك وبوالده…وعقبال لكل حواملنا …ويا رب يرزق كل منتظرة ويرزقني.