السلام عليكم ورحمة الله وبركاته
أنا اول مرة أشارك في قسم الطبخ
واتمنى منكم المساعدة
زوجي جاب لي سمك سلمون ويبغاني أتفنن في طبخه
زي المطاعم يعني
أنا مرة شفته في مطعم كانه مطبوخ على البخار وفوقه صوص لونه تقريبا أبيض ياليت ماتخذولوني وبيضوالي وجهي عند زوجي 
وجزاكم الله خيرا
وينكم ياطباخات
ليش ماحد معبرني 
انا ماسبق وعملته بس اكلته
لقيت لك وصفه في موقع اجنبي
الصوص:
بطاطس مقطعه
بصل مقطع
كريمة
ملح -فلفل اسود
تسلقي البطاطس والبصل لين يستوا
تصفيهم من الماء ،وتحطيهم على طاوه وتقلبيهم وتصبي عليهم كمية من الكريمة
وتبهريها بالملح والفلفل
ولما يبدا يغلي تطفي النار وتحطيهم في الخلاط حتى يتكون صوص كثيف.
في طاوه فيها شوية زيت تحمري فيليه السلمون من الجهتين وتملحيه
وبعدين تدخليه الفرن يكمل سواه بس غطيه بقصدير.
في طبق التقديم تحطي الصوص وفوقه السلمون وبعدين رشة من البقدونس.
اتمنى تضبط معاكي
السمك لازم يكون فيليه يعني مقطع ومنزوع شوكه
مممممممممممممممممممممممممممم
انا باخد كل الاطبااااااااااااااااااااااااق
يسلموووووووووووووو
الله يعطيك العافية
وينويلك كل ماتتمني
حاأجربها وحاأعطيك خبر 
الحمدلله نجحت في الاختبار
اليوم طبخت سمك السلمون وعجب زوجي
شكرا nemssah على وصفتك الجميلة
مع العلم وضعت بعض التعديلات وإن شاء الله قريب أنزل الطريقة 
كويس
يلا ننتظر الوصفة على نار