الرغبه في تخصص القانون وعلم النفس
انا بنت مقيمه بالسعوديه بدرس جامعه في بلدي بعد انتظار سنتين بسعوديه قبول وماجاني شيء المشكله اني قلبي معلق في تخصصين وماني عارفه ايش اختار
من عمري 13 لحد 18 كنت اقول ل اهلي ابي اصير اخصائيه نفسيه
ومن عمري 19 لحد 21 وانا قلبي مال ل كلية الحقوق لاني عانيت 4 سنوات في ظلم وعنف من اخ مدمن واهمال والدي لحقوقنا بسبب زواجه وضعف والدتي وعدم مطالبتها بحقوق لها ولنا
فصار ودي اساعد كل مظلوم ومسجون بظلم او كل زوجه موقادره تطالب بحقوق لها حتى لومن غير مقابل مادي اقدم استشارات للتايهين والمحتاجين
ماني عارفه الحين اروح ل أي رغبه كلهم صار لي رغبه قويهه فيهم
استخيري الله ويلي تحسي مرتاحه له تخصص توكلي على الله كلا التخصصين حلوين وربي يوفقك
لا تجعلي اختيارك للتخصص متأثر بما يحيطك من ظروف كقضية اخوك المدمن
ركزي على ما تحبينه من مواد مع مراعاة قدراتك في الموضوع
الرغبة مع القدرات في مجال معين ينتج عنها الابداع والتفوق
ادخلي لموقع الجامعة التي ترغبين الالتحاق بها واقرأي الخطة الدراسية كاملة لتعرفي ما في كل تخصص من مواد لتتعرفي عليها ومدى مناسبتها لقدراتك ورغباتك
ثم استخيري وربنا يجيبلك الي فيه الخير
استخيري وخذي التخصص اللي ترتاحين له
وخذي أراء من حولك وخصوصا امك
انتي وش تحبين؟
القانون يحتاج بنت شخصيتها قوية
وعلم النفس تخصص جمييل يفيدك بحياتك
ولكن كل التخصصات في الوقت الحالي وظائفها صعبة بسبب انتشار البطالة
وجهة نظري ان علم النفس مجالاته الوظيفيه اكثر تقدرين تصيرين اخصائيه بمستشفى تقدرين تفتحين لك مركز خاص فيك اعرف اخصائيه لها مركز تاخذ على الوحده 400 ريال على نص ساعه بس انا رحت لها مره آخذ استشاره منها