زوجي يهددني بالطلاق والسبب اهله انصحوني

السلام عليكن خواتي

مشكلتي ابثها وأريد منكن النصيحة والمرشده

بسم الله الرحمن الرحيم
انا وأهل زوجي ساكنين بعماره وكل واحد بشقته
ومشكلتي ان زوجي لمن يرجع من الدوام يجلس عند أهله 10 او20 دقيقه وانا والله مو المقصد أني ابي ابعده عن أهله بس أنا قبل لا يرجع من الدوام نفسي استقبله بابتسامه وريحه حلوه ونفس طيبه
لكن مشكلتي اللي ما قدرت اتجاوزها اللي هي من يتأخر علي واعرف انه جالس عند أهله ينعفس وجهي وازعل واكتم ع روحي ولمن يجي احس خلاص ماعدا له نفس ولا خاطر واطنشه ولا استقبله ولا أبدل هدومه احس أني مخنوقه من تصرفه لآني أنا ما ابي أحرمه من أهله بس لي وقتي ولأهله وقتهم
ويا بنات لا تقولون أني ما ابي أهله او أكرهم لا والله بس ابيه يسلم عليهم ويجي عندي خلاص لان هو جاي تعبان وانا استقبله واريحه وكمان

ومشكلتي الثانية لمن يروح لأهله اجلس اوسوس
وش عندهم ؟وش يسولفون فيه؟ وليش للحين عندهم ؟وانا مقهووووره من حالتي نفسي اتغير ولمن أقوله ليش كل هالوقت عند اهلك يعصب علي ويقولي أهلي مالك شغل فيهم ولدرجة يضربني
وبصراحة هو طيب بس مشكلته م يتفاهم وعصبي وأكثر من مره يهددني بالطلاق وكل مشاكلنا سببها أهله

المشكلة أهله معنا في نفس العماره
إذ اطلعنا حصلناهم قدامنا
وإذا دخلنا حصلناهم قدامنا
وإذا اشترينا أغراض قال بعطي أهلي
واهله معاملتهم معي سطحيه وانا قدامهم مره محترمتهم ومبتسمه لهم ع طول بس من قلبي احس انهم مرره مضايقيني واجي اشكي ع زوجي منهم ويزيد الطين بله يزيدني ع مافيني
وووووووالخ كثير أقولكم اكثر مشاكلنا سببها أهله

ي أناااس
أنا ودي أكون الزوجه الطيبه و الطيفه واللي تحب الناس
والله العظيم وأقسم بالله هذا اللي ودي ان أكون تلك الزوجه
بس كيف حاولت حاولت بس م قدرت تعبت أغير تصرفاتي
أنا حساسه وأهله مافي أمل يتغيرون بس ابي أنا اتغير عشان ارتاح واكسب زوجي ولا أهدم بيتي بيدي

واللي اكثر شي يحزني أني لي سنتين ما حملت الحمدلله على كل حال وهذا الشي اللي خلاني حساسه بزياده
زهقت زهقت زهقت من نفسسسسسسي ودي اتغيرررر بس كييييييييف