يامشرفات الله يوفقكم نزلوا موضوعي
خواتي مررررررررررررره مقهوره مالي غيركم افضفض له واستنى نصيحته 
انا متزوجه لي سنتين وطول هالسنتين ماطلعت من منطقتنا عكس خواتي الي يسافرون داخل وخارج السعوديه .. زوجي مايححب اصلا يطلع من البيت كله ولا يحب جلسات الناس الا اهلي واهله بس مع انه يحبني ومو مقصر علي بشي وراتبه كله لي انا ولي سنه وانا اقنعه نسافر والسنه الي فاتت وعدني والغاها مع انه كان معنا فلوس
وبعدها كل ماكلمته بس يسوي لنا الجوازات يرفض بحجة ان ماعنده فلوس والشهر الي فات قالي خلاص ب اوديك يوم 6 فبراير وجهزي نفسك وعمل الجوازات وخلص امورنا وقلت له ب اشتري انا التذاكر على حسابي وهو بتجيه فلوس اخر الشهر تقريبا 30 الف قلت انا علي التذاكر وانت عليك الباقي وصارلي شهر ب اروح اشتري التذاكر وهو رافض وامس صدمني انه متردد بالسفر وزمان قالي انسي انا سفر مااسافر ولما عشمني واستانست وجهزت ورتبت جلس يقولي انتظري ارتب اموري وربي تعبت نفسيا معاه صرت مااحب اطلع عند احد احس بنقص واليوم واجهته وقلت له ان هالسفره بيني وبينه واذا ماسوا الي ابيه انا ب اشتري حريتي وراحتي واتركه 
انا احبه الا اموت فيه بس خنقني انا صبرت سنه كامله حتى اسواق مااطلع عشانه وظيفه توظفت يومين وتركتها عشانه بحجة انه يغار علي .. طيب انا انسانه من حقي اطلع من حقي احقق حلمي واسافر للمكان الي ابي ..
شوروا علي خواتي كيف اقنعه وهل قراري اني اتركه صح ولا لا
من كلامك ان زوجك طيب مو مقصر معاك فليش تبيعي زوجك عشان سفره الله يهديك بس حاولي تصبري عليه وبعدين مو شرط تسافري اهم شئ انك مبسوطه معاه وتخرجي مع اهله واهلك ولازم تعتذري من زوجك لانك الي سويته اكبر غلط وكلامك بصراحه كان قوي بالله في وحده تقول لزوجها كذا تخسري زوجك عشان سفره حاولي معاه بالطيب وخلي السفره ع جنب وان شاء الله ربي يسهل امورك
دعواتك لي ان ربي يسخر لي زوجي
كلامك معقول كل واحدة مننا تود تغيير جو، بس راحة بالك أهم من اي شيء ،زوجك مو مقصر معاك في شيء ،بس حاولي تكلميه بحكمة وتستفسرين على إنزعاج من السفر،لا تتصرعين في قراراتك،
يا عيني زوجك ما يطلعلك لعد اني ايش اقول اني صالي محبوسة بالبيت 5 سنوات ما اطلع ابد وما اشوف شارع ولا ناس
اني تركت المدرسة وكعدت بالبيت صالي حوالي 5 سنوات ومن يومهة ما اعرف شنو ناس شنو شارع
اتحسرلي احجي وية اناس مقهور حيل ومتاذاية
حبيبتي حمدي ربك انتك متزوجة
اني بنت تخليلي وضعي اختي
منذ متي أصبح السفر للخارج من ضروريات الحياة ؟!
الله يهديك اختي.. اهم شئ الراحه النفسية والسفر مش من ضروريات الحياه اول شئ.. تاني شئ لازم تكوني زوجه قنوعه و ماشاء الله باين على زوجك انه يحبك و موفر لك كل شئ.. احمدي الله على النعمه انا قريبتي جلست مع زوجها بعد ما خسر تجارته ما ياكلو غير سلطه وانتي على سفره تقولي اتركه و يقولو ليش يقولو عنا ناقصات عقل من هذي التصرفات حبيبتي.. الله يهديك وان شاء الله تسافري لحتى تكرهي السفر
بصراحه جاني انفصام بالشخصية وانا اقرأ مشكلتك يعني كيف تحبين زوجك وعشانه ما سفرك مليت منه احمدي ربك بس وخلي عنك الأمور هذي لا يعاقبك ربي ان شاء الله عمرك ما سافرتي و خير يعني عادي لا تكوني إنسانه سطحيه تافه عشان فلانه راحت لازم أروح الله يهدينا ويهديك
آهم شي الراحه النفسيه والله يعينك حبيبتي ..