<<حماتى اسلمت امبارح الحمد لله>>

،ربى كريم وختم لنا السنة بأسعد خبر وأجمل بشرى،حماتى اسلمت امبارح يابنات
،لله الحمد والفضل والمنة ،انا كنت طلبت منكم تدعولها فى موضوع قصة ولادتى وكتير منكم دعولها ربنا يجزيكم خير ويرزقكم الجنة
،امبارح زوجى خرج يصلى وكان المفروض يعدى على حماتى ياخد حاجة
،كلمها تاااااااانى،قالها ياامى العمر بيجرى امتى تسلمى ،انا خايف عليكى ومستنى اليوم بفارغ الصبر
،ردت قريب ،قالها وما ادراكى لعل الموت يكون اقرب ،ان الله لا يغفر ان يشرك به ويغفر ما دون ذلك لمن يشاء،قالتله طيب ،قالها يعنى ايه ردت انها مستعدة،
مكنش مصدق ،لانه من زمااااااااان واحنا بنحاول ندعوها.،لكن سبحان الله ،الامر بيد الله سبحانه وتعالى ،أتى امر الله فلا تستعجلوه
،متتخيلوش قد ايه زوجى كان سعيد وبيبكى من الفرحة ،اغتسلت ونطقت الشهادتين بالعربية والإنجليزية ،قالها هعلمك الفرائض واحدة واحدة صممت انه يعلمها الصلاة قبل ما يمشى ،علمها الصلاة وصلى بيها ركعتين ،ورجع البيت طاير من الفرحة والدموع فى عينيه ،اللهم لك الحمد ،
انا قلت له ورب الكعبة انا ما كان عندى شك انها فى يوم من الأيام هتسلم باءذن الله لكن كل شىء بقدر معلوم،رمضان اللى فات قولتلها ياامى اخرى غداكى وتعالى اتغدى معانا وقت الافطار على المغرب ،
طبعا مكانتش صايمة لكن انا كنت حاسة انها مبسوطة بالجو واللمة بتاعتنا
خصوصا انه كان اول رمضان يصومه ابنى الكبير المحبب لقلبها فكان مختلف وجميل
،طولت عليكم يابنات،بالله عليكم زى ما دعوتوا لها بدخول الاسلام ادعوا لها بالثبات،اللهم ثبتنا وثبتها على دينك وأختم لنا بخاتمة حسنة واجعل اخر كلامنا لا اله الا الله
توضيح يابناااااات ،انا زوجى بريطانى مسلم من اكتر من 14سنة