][ يومك تماديت ][

مرتاح يوم انك تخليت ..
ولعت قلبي بسبت جفاك؟؟

وينك حبيبي يوم ناديت ..مشتاق لك وادور رضاك ..

وانت ولا همك وصديت
خليتني ضايع بلياك ..

ابكي من اسبابك وحنيت
اذكر زمان(ن) كنت انا وياك ..

يومي اناديلك ولبيت..
"آمر حبيبي لا عدمناك" ..

وش لي جرالك غبت واجفيت
قلي حبيبي شالذي ياك؟

ما احيدني ف يوم(ن) انا اخطيت
وان هو حصل .. هالروح تفداك

خذها حبيبي كان حبيت ..
ترخص لعينك روح مضناك ..

محلاك لا منك تغليت ..
آموت أنا واعشقك وأهواك ..

راضي انا لو ني تعنيت ..
بتبعك لو غيرت مجراك ..

في القيض انا حافي القدم ييت
ما ابغي سوى شوفت محياك ..

طالبك ياللي ساكن البيت ..
ارحم محب(ن) يعشق خطاك

عهد(ن) عليه كان هلييت
أقضي العمر لي باقي حذاك