ياخوات انا والشيطان
انا متزوجه لي 3 شهور زوجي قالي الحين مانبي عيال سنه وحملي وحلف انه مايقصد شي ومافيه تخطيط بيسويه وانا كل لحظه اشك يبي يطلقني يبي يتزوج علي لا تقولن اتركيه وروحي لاهلك لانه نعم الرجل واهلي حياتهم صعبه ومشاكل ارجوكن واسني
يمكن ضروفه المادية صعبة و ماودوا مصاريف
استخيري الله و الله يفرج عليكي اختي سلامى
اختي الغالية
انا افهم وضعك جيدا
لكني ارى انه من الاحسن ان تسالي الله دائما و في دبر كل صلاة ان يحفظ لك زوجك و ان يكفيك مصائب الدنيا و الاخرة
و بهذا تامنين على زوجك و على نفسك
فليس هناك احد احق و اجدر ان يستجار به من الصائب غير الله
تجاوزي تلك الشكوك و اطرديها من عقلك فلن تستفيدي منها
تقربي الى الله فهو وحده القادر على ان يؤمنك في نفسك و زوجك
وفقك الله اخيتي
مادام انه حلف خلاص لالالالاتخلي الشيطان يدخل بينكم وانتي مازال باول حياتك قولي الي زوجك حاضر ومن عيوني
عيشي حياتك وانبسطي مع زوجك انتي مازلتي عروس والاطفال لاحقين
وونصيحه وانا اختك بداية الزواج وانتي عروس لحظات حلووه عيشيها انتي وزوجك ودلعيه هذااا حلالك وابعدي عنك الواسواس وولاتخلي زوجك يلاحظ انك زعلتي من الموضووع
هو يقول لك لااريد اطفال ولكن بعد فتره من الزواج راح يشوف اطفال اصحابه واخوانه وتتحرك فيه غريزة الابوه راااح يقولك اريد 10 اولاد و10 بنات
ليش يطلقك انتي مكبره الموضوع زياده عن اللزوم ولاتاكلين حبوب منع حمل بنت خالتي كلتهن والى الان ماحملت وله 6سنين متزوجه اما عليك افكار غريبه اذا بيطلقك ماينتظر سنه طيب انتي وش تحسين زوجك يحبك طيب ماقلتي عن معاملته لك حلوه موحلوه ياليت توضحين هاالنقاط عشان الاخوات المتزوجات يفيدونك
.
لآ تزعلى وتنكدي على نفسَك
مَآافي غير الآستخآره والله وأطلبي ألله
يآغآاليه .. 
اختي استعيذي من الوسواس وهاذي كلها مخاوف يدخل منها الشيطان واستغليها بالفرفشه واللعب والوناااسه قبل مايجيك البيبي ان شاء الله ههههه
من جد اذا هو طلب يعني يبي رومنسيات وحركات وروحه وجيه وكذا
بس لا تستخدمي حبوب او موانع اخرى قد تسبب في العقم واستخدموا العازل
وان شاء الله مايشوف الى انتي ويعمي عيونه عن كل البنات ههههه استغفري ولا توسوسين
خلاص يالغاليه
يالغلااااا قال لك كذا عشان تستانسون ببدايه حياتكم مو على طول عيال يبي يتهنى ويفلها معك انتبهي من الشيطان يخرب حياتكم …وعلى فكرة انا اذا تزوجت ان شاء الله بقول لزوجي نأجل سالفه الحمل شوي واكيد هو راح يقول والمعنى ابغى اتهنى ببدايه ذي حياتي مو على طول وحم وحليب وبامبرز ….أنتي وكلي امرك للربي وهو قادر يعطيك وقادر يأخذ فأنتي عيشي حياتك وزوجك دامه طيب معك وحلف ماقصده شي خلاص أطردي وسوسه الشيطان منك وكل ماتذكرتي هالسالفه تعوذي من ابليس 3 مرات وانفثي عن يسارك 3….
موفقه يارب…