والله العظيم تعبانه

السلام عليكم ورحمه الله وبركاته
كيفكم ان شاء الله طيبين الله يعطيكم العافيه يارب
مشكلتي هي كنت مخطوبه وسوينا الملكه وكل شي بعدين خطيبي معد يبغاني مادري ايش السبب والله العظيم اني اخلاق وطيبه ومحتشمه في لبسي والله اني ما امدح نفسي لاكن بشهاده الجميع فسخنا الخطبه وخلاص بعد اسبوعين سمعت انه خطب بنت عمي انا انصدمت وهو مشاء الله مدرس انجليزي يعني استغربت غريبه بس مر تقريبا ثلاث اسابيع على خطبتهم وسوو الملكه وقريب زواجهم المهم جدتي سألت امه ليش فسختو الخطبه من فلانه تقصدني انا قالو والله الولد يقول يبغى وحده جميله وشياكه وبنتكم ماتصلح لولدنا اللحين ولدنا مرتاح معا فلانه تقصد بنت عمي ودايم يمدح فيها ويقول حلوه وجميله ومادري ايش انا صراحه يوم قالت لي جدتي ماتعرفون كميه القهر اللي حسيت فيه مو عشانه لا والله الله لايرده بس اللي قهرني ان بنت عمي جميله طبعا اكيد في نظره جميله اجلس افكر احيانا ليش يعني الوحده اذا كانت عاديه ماحد يبغاها واذا كانت جميله حتى لو اخلاقها منحطه الكل يبغاها وامه واخواته والله لو يحق لهم ان يركعون عند رجولها يحبونها مره مره عكسي انا تماما المهم اللحين معد صارت تعطيني وجه خايفه على الملاك اللي معاها ودائما تدقني بالكلام والله العظيم اني تعبانه ومهمومه خلاص صرت اشوف نفسي بشعه من وين القاها وحالتي حاله ابوي بخيل ومايعطيني فلوس الا بالغصب ابغى يكون لي دخل عشان ارتاح وزوجه خالي تشمت فيني تقول رماك مو قلت لك محد يبغاك اخذ بنت عمك الحلوه والجميله حسيت قلبي يتقطع من الكلام هذا كلهم يقارنون بيني وبين بنت عمي وبنات خالي يقولون والله مانلومه انتي موحلوه ليش كذا ليش طيب ادعو لي تكفون مو سهله الواحد يتشمت عشان فسخ الخطبه انا انجرح كثير منهم حسبي الله ونعم الوكيل

المشاركة الأصلية كتبت بواسطة فرح. حبيبتي ابداً ابداً لاتشيلي هم كلام الناس يقولون اللي يقولون ودايماً خلي راسك مرفوع لان خطيبك ذا مايهمه الا المظاهر وبان على حقيقته ..يهمه المظهر مايهمه الجوهر..حمدلله ربي بعد بكره بيرزقك بزوج احسن منه وكل اللي تشمتو فيك رح يصير فيهم الدنيا دواره ..وربك يمهل ولايهمل .. ربي يرزقك بزوج جمال واخلاق وطيبه وكل شي تتمنينه ..الله يوفقك وابداً لاتنقهري مرره طنشي ولا كانه همك ..