موقف تعرضتي له بالمنتدى

وأنا بتصفح قسم الحياة الزوجية لفت انتباهي إحدى المواضيع قرأته وكانت صيغة الكلام فيه موجهة من رجل لأمرأة -مجموعة نصائح – والموضوع كان كتير مفيد والله يجزي صاحبته خير على طرحه
ورديت على الموضوع بقصد الفكاهة والله يشهد مو قاصدة بالطعن بالعضوة
بالقول بعد الشكر على الموضوع لم أعد أذكر كلماته ولكن معناه أن كاتب الموضوع ذكر ويتوجه بموضوع ينصح فيه الرجال مو بس النساء استنادا لصيغة الموضوع
وبعد كم يوم بفتح الرسالة الخاصة ولقيت رسالة من إحدى العضوات أنا ما بعرفها بس كان عنوانها ( الله لا يسامحك )وكان محتواها بتدعي علي وعلى أولادي وتقول سببت لها مشكلة بأنو بعض العضوات ظنوها ذكر وصارت مشكلة واشتكت للإدارة عليهم وحذفت الموضوع
أنا للوهلة الأولى ما عرفت على شو كانت بتحكي وعلى أي موضوع بتحكي لأنو ما كان هذا قصدي أبدا من باب المزح وبس وكتير تضايقت من كلامها وبالأخص أنها دعت على أولادي هم شو دخلهم
وبعدين تذكرت وراسلتها ووضحت لها السبب وأنها أسأت فهمي ولم أكن قاصدة وقدمت لها اعتذاري على ما سببت لها من مشكلة مع العضوات
والمهم بالنهاية قبلت اعتذاري وسامحتني وصارت من صديقاتي
وانطبق علينا المثل يلي بقول : لا تاخذ صاحب إلا من بعد مشكلة

الخلاصــــــــــــــــــة
أن أي وحدة فينا لازم توضح ردها مشان ما توقع غيرها بمشكلة هي بغنى عنها
وبالمقابل إذا صار سوء فهم لازم تستفسري وتسألي عن السبب قبل اطلاق الكلام النابي والدعوات غير الصالحة على الآخرين وبكل الأحوال هي العادة بالدعاء السيء على الغير مو منيحة لأنو بيجي من يرد عليك بالمثل ومن دون ما تعرفي كما تدين تدان
والبيان يطرد الشيطان وياريت تاخذوا كلامي بعين الاعتبار
قضاءا على التباغض والشحناء بالمنتدى وخلينا نحط يد بيد لنرقى بالمنتدى في سماء المنتديات ويصير منتادانا مضرب المثل بالرقي وتحابب عضواته

وهلأ صار دوركم ياريت تمتعونا بمواقفكم
وتجاربكم مع المنتدى