بسم الله الرحمن الرحيم
المقادير
واحد كيس مكرونه قودي اي شكل تحبيه
2 كيس سبانخ متلجه او طازه على حسب رغبتك
2 قشطه
2 بصل
حبتين جبنه كيري اي(مربعين بس
ملعقتين جبنه كرافت سايله شيدر
فلفل اسود وملح
وبهارات ايطاليه(تلاقيها جاهزه في السوبر ماركت اسمها فرشلي بهارات ايطاليه
وجبنه موزاريلا
الطريقه
تسلقي المكرونه وبعد ماتستوي تصفيها وتنحط في صينيه
نجي
للسبانخ تحمري البصل في شوية زيت الين يصير لونو دهبي بعدها تحطي السبانخ على البصل وتحطي ملح وفلفل اسود وحبتين ماجي وملعقه من البهارات الايطاليه وبعد ماتستوي تضيفيها على المكرونه وتقلبيها مع بعض بعدها تجهزي الصوص الابيض
تحطي القشطه على النار وتحطي عليها الجبنه وملعقه من البهارات الايطاليه وملح وبعد ماتسيح تضيفيها على المكرونه والسبانخ وتقلبيها بعدها رشي عليها جبنه موزاريلا وعلى الفرن الين تسيح الجبنه وتتحمر وبالهنا والعافيه…
ملاحظه:لازم البهارات الايطاليه لانها سر النكهه والمقدار يكفي 4 اشخاص
يعطيج العافية♡
الله يعافيكي حبيبتي وتسلمي على ردك
عادي لو ما اضفت السبانخ ما احبها
تسلم الايادي
الله يعافيكم جميعا يسلمو على الردود الجميله .. بالنسبه لعدم اضافة السبانخ والله ي قلبي ماجربتها بس السبانخ طعمها جميل ومفيده حاولي تضيفلها من البهارات اللي تعجبك لتغيير طعمها