غريبه كُلنا غُربـه و يَحظُنـا وَطـنْْ أحيـان
ولا نلقى وطن أحيـان حتـى فـي مواطنـا
غريبه يازمان(ن) راح كم سيد وكـم سلطـان
وياكمْ نـاس فارقنـا وياكـم نـاس عزينـا
غريبه لو كتمنا الحـب ونعيـش. بالكتمـان
ونتمنـى يعـود الحـب الاول. يـوم حبينـا
غريبه هالزمن يفرض علينا إنفارق. الخـلان
يجمعنـا, ويبعدنـا, وينسـى إنـا, تَسَليْنـا
وغريبه كلنا نندم نقـول إن الزمـن ندمـان
وحن ننزف جروح(ن) للزمـن قبـل تدمينـا
غريبه دمعة الفرحه ومعهـا دمعـه ألأحـزان
وحن نحزن علـى فرحـه فرحناهـا. تبكينـا
غريبه ماتت البسمه وضاعت عالم(ن)حيـران
ولابـه شـئ يَحّيّرنـا , ومكّثرهـا حَراوينـا
غريبه لحظه الفرقى تشك إن الزمـن مـازان
وغريبه لحظـه اللقيـا تقـول إنـا تَهَاوينـا
غريبه كل مانضحك تقول(ن)إن الزمن. خسران
زمّنـا لـو ضحكنـا لجـل تتنفـس امانينـا
غريبه وردنا يذبـل ولا كنـه سَقـاه إنسـان
وكـم مـره سقينـا وردنـا. ياكـم تناسينـا
غريبـه ليش؟للفتنـه معلـم عَلمـه فـتـان
وغريبه كل مفتون(ن)بجمره مـن فتاوينـا!!
غريبه ليه يادنيا. طَمع, اصبـح بـلأ ألـوان
أشوف الحقد عشعش فـي شواطـي موانينـا
غريبه ليه يادنيا صحيح إنـي انـا غلطـان!
عطيتك قلب متحلـم ومـن حلمـه تصحينـا
غريبه ليه يادنيا اشـوف الوقـت ذا خـوان
واشوف الغَير ماحَسْبْ حِسـاب إنـا تخاوينـا
غريبه كلما نَكتـب تِضّيفـه ذاكـرةْ نسيـان
وحن نكتب تقول الصدق له حَرف(ن)بيكوينـا!
غريبـه ذاك متمنـن وذا كـاذب وذا حِقـران
وكم ناس(ن) سعادتها تـدْور بـس! تِشْقِيَنـا
غريبه ناس نذرفهم وهـم داخـل وبلأوجـان
عليهم ! كنهـم عاشـو ولا عرفـو معانينـا!
غريبه وين راح الصدق ماعـاد لـه عنـوان
وسار الكذب له مبداء ولاهـو فـي مبادينـا
انا لو بكتب الغربه عجايـب تنرسِـم أحيـان
أبرسمها لكـم فرحـه وهـم(ن) راح يكفينـا
رائع مانقلتي لنا غاليتي,,,راقت لي كثيرآ,,
يعطيك العافيه لاعدمناك,,,,
الله يعافيك
نورتي بردك الحلو ..
مشكوره ياغلاي تسلمين
الله يسلمك
نورتي بردك الحلو