كيف اصير جريئه واتخلص من التوتر

المشاركة الأصلية كتبت بواسطة أم عبادة السلفية

مشكلة! وانا واخواتي نفس الشيء ماعندنا جرأة لما يجينا ضيوف في البداية دائما متوترين والكلام يطلع متقطع والأفكار تتشتت واحيانا تعابير الوجه تتغير وترتفع الحرارة ويتغير لون الوجه يصير احمر ههههه وبعدما يمشوا الضيوف نضحكوا على حالنا وكل وحده فينا تهزئ على اختها،،،، بس الان انا انخطبت ،، واقتنعت ان خلاص هذا الخجل المبالغ فيه لاينفع ،، ولقيت اصلا مافي اي سبب يخلي الوحدة ترتبك بهذا الشكل لما تتكلم مع الناس ،، تعرفي ليش؟ لأنك بهذه الطريقه حتخلي الناس تستغرب تصرفاتك وتحسك غريبة ومش طبيعية،، مش الاحسن كان انك تتصرفي بشكل تلقائي وطبيعي بدل ماتجيبي الكلام واتخلي الناس تضحك عليك؟
احيانا قلة الثقة في النفس يعني لما تقابلي الناس تحسي انهم مش عاجبهم كلامك او مظهرك مثلا من لباسك وتسريحة شعرك وغيره،، فترتبكي ويتشتت انتباهك وبدل التركيز مع كلامهم يكون كل همك وتفكيرك انك خايفة يضحكوا عليك،، بس لما تفكري بشكل اخر تلقي انه ماكان في اي داعي من كل هالتوتر والارتباك ، واعرفي ان الناس ينظرولك بطريقة عادية زي ما انتي تنظريلهم بطريقة طبيعيه،،،،،
انصحك حبيبتي بعدم التهرب من الضيوف لأنه هذا الشي حيخلي المشكلة تكبر وتعقدي نفسك،، خليك عادية ولما يجي حد استقبليه وتعودي على الطرق اللبقة في استقبال الضيوف والحديث معاهم ، ومرة بعد مره تكتشفي ان الموضوع غاية في البساطو ولاكان يستحق منك خوف وارتباك وتلقي انك اصبحتي قادرة على فتح مواضيع مع الناس ومشاركتهم الحديث بكل تلقائية وسهولة،، موفقة واعتذر على الاطالة واتمنى اكون افدتك ولو بشيء بسيط