قصة حملي والتكيس

بسم الله الرحمن الرحيم.

السلام عليكم ورحمة الله وبركاته.

انا متزوجه من 4سنوات 6اشهر بعد زواجي بسنه رحت حق المستشفى عشان اسوى تحليل عشان الحمل وطلعت النتائج عندي تكيس في المبايض ومعا مواعيد المستشفى والتحليل والاشعه ظليت 4اشهر بعدها اعطتني الدكتوره كلوميد حق شهرين ومنظم الدوره لان دورتي ماهي منتظمه وعلى مااتوقع منظمه سكر معا انه ماكان عندي سكر واستخدمت الكلوميد شهر وبعدها انتظرت الدوره وما جات وقلت خلاص راح اخذ حبوب تنزل الدوره ومرضت ولا قدرت اخذ الحبوب وكلما جيت ابغى استخدم الحبوب يجي شي يخلين ما استخدمهاوحللت دم وطلع سالب لحد ما مر شهر وكان عندي موعد اشاعه و قبله باسبوع حسيت بالم في صدري والم اسفل بطني قلت اكيد ادوره راح تنزل وانتظرت يومين او ثلاثه ولا نزلت وخلاص ناويه اخذ الحبوب اللي تنزل الدوره واخذت تحليل منزلي عشان اشوف فيه حمل بس ما كان فيني امل واحد في الميه وحللت وحتى ما كنت مهتمه منه ابد وحللت وتركت الله يكرمكم في الحمام ونسيت منه وفجاه تذكرته ورجعت داخله والوضع عادي فجاه لقيته خطين والله العظيم حسيت الدنياء طايره فيني وبعده رحت وحللت دم وقالت الدكتوره فيه حمل لاكن ضعيفه تعالو بعد اسبوع وحطمتني وانتظرت اسبوع ورحت لموعدي وقلت لدكتوره قصتي قالت مبروك خلينا نسوي لك سونار وسويت قالت عندك كيس بس ما فيه نبض تعالي بعد اسبوع وتحطمت زياده وكان من اصعب الايام اللي مرت علي حتى ما قلت لزوجي عن كلامها عشان لايتحطم وبعدها بسبوعين رجعت لها ااااه الحمدلله وسوت لي السونار وسمعتني النبض واخير والحمدالله استمر حملي بس الشهر الثالث نزل معي دم مدة يوم كامل قالت الدكتوره احتمال اجهاض او ولاده مبكره واستمر الحمل لاكن جبت بنوته فديته وانا في نهاية الشهر الثامن وجبته ولاده قيصريه وبعدها الحين عمر بنتي ستنين و5 اشهر وقبل 6 اشهر سويت تحاليل واشعه ولانه مستشفى حكومي لازم المواعيد الطويله والتاخر الله يعين بس وسوو لي اشعه في رمضان والتحليل في شهر 11 وقابلت الدكتوره في اخر شهر2وشافت الاشعه والتحاليل قالت التحاليل كل شي سليم بس عندك تكيس واعطتني لمدة ثلاثه اشهر كلوميد وقالت حللي من الحمل وإذا طلع مافيه حمل اخذي حبوب تنزل الدوره واستخدمي العلاج ورحت وحللت وانا قبل كنت حسه اني حامل وحللت تحليل منزلي وطلع خطين وظليت يومين وحللت تحليل منزلي واخطات فيه وطلع خط خفيف جدا وفي الليل حللت وطلع خط واحد وباقي للحين في حيره الله يعين

وهذي قصتي معا التكيس واسفه على الاطاله..