علاقتي القوية بفتاة

بالله أرجوكم احتاج مساعدة أخاف أكون على حافة النار وركزوا على كلامي الأخير، أنا بنت بثاني ثانوي عمري 16 عايشة حياة أي فتاة أخرى بعمري
مع أني مش اجتماعية كثير بس عندي صديقات وعلاقتي فيهم حلوه
الا وحده من صديقاتي سلمكم الله هاذي غير عندي من يوم شفتها أول مرة قبل لا أعرفها وأنا اتصرف بغرابة حولها تعرفنا على بعض وشخصياتنا متقاربة كثير كم شهر وصرت أحبها حيل غير عن بقية صديقاتي مع أن لي صديقة مقربة تشاركني بكل شي لكن هاذي غييرر محد يتخيل لأي مستوى مستعدة أسوي أي شي عشانها وماحبيت أحد مثلها قبل، وأكرر أنها اثنيننا طبيعيات لا بويات ولا وحده مسترجلة ولا لنا بهالشغلات أبد حتى أحضان يومية مو شغلنا
صرنا نتكلم ساعات بالتلفون وصلت 12 ساعة متواصلة تعلقنا ببعض حيل بيوم اعترفت لي أنها تحس بنفس الشعور تجاهي وكنا مستغربين من الوضع وبالعادة ما أحب انحضن يومياً الا منها وهي مثلي بعد! شهور وصلت بنا الحالة قعدنا مع بعض وبسهو مو حاسين بستها بحلجها وتجاوبت معي. منها ما سوينا شي الا بعدها بشهرين تكرر الموقف، وعدنا بعض ما نسوي أكثر من هذا لأن غلط وحرام والحين كل اللي بيننا قبلات لا أكثر ومحد يدري حتى صديقتي المقربة. والله ثم والله ما تجي من شهوة من حب زايد حتى لو فيه أكثر واعدين بعض ما يصير شي بس الحين أنا بضحي عشان خوفي من الله وبوقف بس مو عارفة كيف بدون ما اجرحها لأن أنا بروحي بتعذب. شو نصيحتكم كيف ابدا اكلمها؟ لا تقولوا عقاب قوم لوط وهالمواضيع لما نكون مع بعض ما نحس بذنب قريت كثير وهي بعد بس مافي اللي بيننا مغطي على أي مشاعر ثانية يعني كلام العقاب ما بيفيد فينا استغفر الله لهالدرجة وصلت الحالة، إذا في طريقة توقف بدون م اجرحها أو عذر ساعدوني. نوقف أول المشاعر بعدين نقرأ بالدين لأن المشاعر هي البلي ما تركتني اقتنع وأحس باللي أقراه

طمنيني عليج