بسم الله الرحمن الرحيم
ابغي افضفض لكم عن اللي صار لي واتفاجأت منه الخميس اللي فات لما طلعنا رحله بريه من الصباح
المهم كنا مقسمين المهام بيننا يعني انا وزوجي واخته وعايلتها واخو زوجي وعايلته.
المهم كانت اخت زوجي تشتغل وانا كنت اساعدها وواقفه معها وبناتها جالسات ويسولفن ومرتاحات وانا اللي اكرف معها وعادي عندي كنت مبسوطه للاخر ويقولوا لي انتي ايش فيك….كذا …حتى الضحكه محسوبه علي .
والمهم بعد كذا صارت اخت زوجي ترصد لي باي شي يعني تكسحني بالكلام وترد علي رد قوي وكأنها كارهتني وطفشانه معي .
هي قبل كانت تعاملني كويس لابأس باسلوبها ولا بيننا اي مشاكل ابد.
بس لما طلعنا انقلبت الموازين وانا مصدومه منها وساكته عنها احترام لها لان بناتها بعمري مو حلوه ارد عليها.
واذ بغيت اعمل اي شي قالت لي لا اتركيه لاتسويين كذا احسها نغصت علي الطلعه وكأنني طفله وتأمرني وتنهاني
بس انا برغم اني انا اللي مجهزه كل الكشته وعامله الاكل بس كل شوي تقول انتي مو سنعه
ماادري وش السبب. واي احد يمدح حاجه انا مسويتها تسبها .
حتى اذ اخذت بنت حماتي الصغيره قالت اتركيها لايصير بها شي .
حتى امام زوجي كذبوني بموضوع ثاني غير موضوعي هذا بس واجهتهم بالحقيقه وسكتوا …
انا بنفس اليوم ارسلت على بنتها اشكي لها ..قالت لي عذر تافه "امي تعبانه "
تعبانه على عيني وراسي بس مو معي تحط حرتها فيني .
للأسف خيرا تعمل شرا تلقي"
تخيلوا لاهي ولابنتها كلموني يتعذروا
ايش رايكم اقول لبنتها الثانيه لانها ماكانت معنا بالرحله"
علشان تعرف انني بشر واحس ولايمكن اني اتحمل هالاسلوب الغير حضاري.
او انها تكرره معي مره ثاني
احسها تهينني وجرحتني والجراح مازالت تنزف.
ايش اعمل بليز انصحوني بأي شي المهم وقفو معي الله يسعدكم يارب….
وعليكم السلام والرحمة والإكرام
يا إختي هدي نفسك لا تقولين ولا تزدين بالسالفة أعرف هي حارقة لك دمك بس طنشي
وعيشي حياتك هذي أمور جانبية لا تلتفين عليها وخليك واثقة من نفسك يمكن بالغلط
صدرت منك كلمة جارحة وهم ما يبون يجرحونك ما تعرفين يمكن زوجك بنفس اليوم قال كلمة حسبوها عليك
مو بالضرورة تكون هي كارهتك كذا خصوصاً إنك قلتي إن معاملتها لك غير
ما تعرفين يمكن أحد قايل لها إنك قايلة كلمة كذا وإلا كذا .. وزعلتها منك ومو عارفة تسألك ومصدقة هالكلمة
وجالسة تجرح فيكِ عشانك تحسسك أنها متألمة منك
يااختي لا تحكمين على ظواهر الأشياء …
ومرري الكثير من المواقف ما أنصحك أبداً تكلمين بناتها وخواتها وزوجك ومو عارفة مين كلهم راح يأخذون موقف منك
تعلمي تكتمين .. وتعلمي أن مثل هذي المواقف تمر المفروض من أول كلمة وحركة مو حلوة تعتذرين منها وتستفهمين باسلوب راقي .. يمكن إنتِ بكل براءة كان ردك تأكيد أو تصرفك تأكيد لكلام ما لها أساس وأنت مو عارفة
ولا تفكرين كثير بالمواقف الجانبية ولا تهملينها بالوقت نفسها الآن الموقف مرة وراح …
ما يحتاج تنبشين فيه خليه يمر بخيره وشره وأسعدي من حولك ونفسك ..
ربي يكتب لك كل ما فيه خير يا رب ويسعدك دوم
.
روح روحي انا من رايي انك اتحاولين اتصارحينها واتعرفين ايش الي غيرها عليك قوليلها انك تحترمينها وانك ختي على خاطرك بس حاولي اتعرفين منها اذا انتي غلطتي بشي معها او اذا كانت سامعه شي انا من رايي المواجهه والله يهديها وترجع معاك مثل الاول
اختى اخصريكي منها وسوي الى يرضيكي ويرضي زوجك من دون ماتقلي الادب عليها وطنيشيها واذا مابغاكي تسوي شى احسن حطى رجل على رجل وادلعى على زوجك واهم شي هو تخدميه ودلعيه في اي مكان انتى وزوجك وبس وخليها هى وبناتها تسوى كل شي ولا تقلي الادب عليها عشان لاتمسكها حجه عليكي قدام زوجك وطلعك انتى الغلطانه
سوي كلام اختي (ريري الهاشميه) واذا كانت اول مره تعاملك كذا كلميها هيه لاتكلمين بناتها واساليها عن السبب
واذا كانت دايم هذا اسلوبها لا ياقلبي عامليها مثل ماتعاملك وطنشيهم ولاتحتكين فيهم كثير خلي علاقتك معهم رسميه وانشغلي باهلك وزوجك وصديقاتك
وربنا يوفقك
كبري عقلك طنشييييييييييييه
طنشيييييييييييييييييييييييييييييييييي وعيشي حياتك ياما بتسمعي
طنشيها احقريها
والله ما تستاهل
هذه حاسدتك يمكن انك سعيدة مع زوجك