زوجي ادعوا له بالهدايه الله يسعدكم

انا تزوجت السنه الي راحت عمري 23 وزوجي 35 وحملت بعد زواجي ع طول الحمد لله بفتره حملي اكتشفت ارقام بنات بجوال زوجي ومقاطع اباحيه .. قالي الارقام هذي قديمه قبل نتزوج فقط محتفظ فيها كاسم والمقاطع اصحابه الي يرسلو وهي تتحمل عندو ومره اتصلت وحده وانا بحضنو ع المغرب تقريبا ولا رضي يرد عليها قال هذي معانا بالدوام اكيد تبغا معامله او شي انا استغربت بالوقت لو من الدوام تتصل وقت الدوام ع الاقل من الذوق والادب .. طنشت السالفه بعد الاربعين اكتشفت انو كان ع علاقه مع وحده وبينهم صور مخله للادب وهوا عاملها مقطع اباحي لنفسوو ومع هذا انكر كل الي شفتو بعيني وقال البنت لصاحبي وصورها امانه عندي والمقطع تحدي بيني وبين صاحبي اساسا احنا الرجال عادي ما نستحي زي الحريم دي اشياء عاديه بالنسبه بيننا ومشيت الموضوع وسلكت له اني صدقت كل الي قاله سكت 6 شهور لاني تعبت منه ومن مشاكله وقدر الله وحملت تاني ع بالي انو بعد اخر مره تاب وتعدل كنت مننومه بالمستشفى ولما رجعت للبيت دخل الحمام فتحت جواله بس فضول لقيت اتصالات من وحده مسميها باسم رجال مرسله صورها وكان فيه رساله واتس ما فتحتها واتصالات كلها طول ما انا كنت متنومه اخذ راحته ع الاخر وما فتحت الموضوع معاه لين وصلت حدي بعد شهر كلمته ع الموضوع لانو منافق معايا احبك واعشقك ومن ورايا شيطان حقير خاين انكر كل شي وقال انو معاه بالعمل وانها هيا الي رسلت صورتها هوا م طلب قال اذا هيا عادي عندها وقليله ادب انا ايش دخلني والاتصالات الي شفتها كانت كلها معاملات وعمل ورساله الواتس كان بي سي ومسميها باسم ولد عشان هذي اعراض ناس تخيلي لو اتصلت وانا عند العيال فلانه تتصل بك مو حلوه … مشيت السالفه عشان ولدي والي ف بطني وصدقته ورجعت تاني سمنه ع عسل لكن للاسف الي سماها باسم ولد بعد ما كفشته سماها دحين باسمهاا وكل ما خرج كلمها واذا رجع يحذف كل شي وقالها هيا بوجهي وقالي اكلم وحده تانيه واتس اول م ادخل من الباب احذف رسايلها عشان لا تطبي فيها برضو من العمل بس جريئه شوي واذا شفتي رسايلها حتفهمي غلط كل يوم اشوف اتصالات هذي الي كان مسميها باسم رجال اوقاتهم 10 بالليل 2 بالليل** لما يكون برا بالله اسالكم بالله هذي اوقات عمل احد يتصل واضحه وضوح الشمس ولا تكلمت ولا فتحت فمي اراقبه بالسكت وانا تعبت منه كل ما اواجهه يصرف نفسو قلت يابنت يمكن يتعدل يعقل يشوفني طيبه معاه واسامحه اعطيه كل شي يتغير للاسف يستعبطني وباقي ع الغلط تكفون متى حيعقل والله ما قصرت بشي وهوا شاهد ع كلامي حتى العلاقه لما اجيه يصرفني تعبان تعبان وحقي فين مره بالشهر وكمان 5 دقايق يارب انك تهديه ليا ولعياله المشكله انو م يقصر لا بمقاضي ولا عليا ويحبني لكن يخونني مدري ليش يمكن عشان متعود لانو خواته حكوني قبل يتزوجني كان يقابل بكوفي ومدري فين بس عقل ياخوفي باقي م عقل … دحين ايش تنصحوني اسوي**** اذا اعطيت رقمه ورقم الي يكلمها دحين للهيئه ممكن يسو شي !!! انا اتصلت ع البنت وجلست تضحك بكل حقاره وهددتها بالهيئه لككن للاسف باقي امس شفت اتصالها الساعه 9 ونص لما كنت عند اهلي .. ولا عاد بفتح الموضوع مع زوجي ابغا اقول للهيئه وش رايكم او اتطلق منه بعد ما اولد لانو مستحيل يعقل ع قد ما سامحته مستمر بالغلط

المشاركة الأصلية كتبت بواسطة *همسة حنين * استغفر الله اعلم ان زوجك مخطئ في تصرفاته واتباع اهوائه ولكن الجزء الاخر من الخطأ يقع على هؤلاء الاصناف من النساء هم اساس البلاء ، الله يقطع طريقهم عن ازواج المسلمين يارب صح ان المراة ان صلحت صلح المجتمع وان فسدت فسد المجتمع ، واغلبهم يرمون حالهم على الرجال المتزوج والغير متزوج الله يحمينا ويعافينا الرجال طبعا قليل منهم من يعصم نفسه ولا يفتن ويمكن يكون زوجك هو اللي يبحث عن هذا الطريق انت ادرى به ، فعليك مساعدته والحفاظ على بيتك وايضا معاتبته كما تفعلين ولا تنطنشي الامر اختي عليك بالدعاء والاستغفار ويارب يهدي زوجك ويسخره لك ويبعد عليه طريق الحرام ويجعلك قرة عينه ويجعل بينكم المحبة والرحمة والود

فعلا
حاولي تهددينه تهديد صارم هدديه بترك البيت
لكن مجرد تهديد
واخذي منه موقف صارم
لا تسكتين والله يتمادى
وبالتوفيق

انتي لا تسكتي ابدااا