والله مدري شقول انا بصراحه ودي اطرح مشكله وحدة اعرفهاالبنت احبها وهي تفضفض لي وكلمتني عن حاله نفسيه تعاني منها وهي السرقه تقول ابتدت مشكلتهامن كانت صغيره وكان ابوهابخيل حتى مصروف للمدرسه مايعطيها مايوفر لهم الاالقليل من كل شي حتى انهاكانت تنحرج من صديقاتها بالمدرسه من لبسها واغراضها ….فصارت تسرق من صديقاتها ومن قرايبها ومن السوق يعني اشياء بسيطه ولماكبرت وتزوجت زوجهامايقصر معاهابشي بسمشكلتها ماتقدرتقاوم السرقه من السوق حاولت تترك ذا الطبع بس مافادت محاولاتها ودي اساعدها بس مدري كيف
الله يهديها ..
تكثر من الاستغفار وتدعي الله بالهداية من قلب صادق…
عزيزتي خلي صديقتك تروح لدكتور نفساني وهذا أفضل حل صدقيني
ياقلبي عليها يحليلها الله يعينها ويسامح ابووها اللي كان السبب ..
سمعي يالغاليه البنت يبغالها متابعه دقيقه من احد يكون بجانبها
يساعدها ,,
مثلا يوم تروح السوق يكون قريب منها مايفارقها واهي طبعا مابتسرق جدام الشخص اللي وياها
ولازم تخااف على عمرها لان اكيد سنها وصل السن القانوني يعني ممكن تمسكها الشرطه ..
والله مشكلتها يبغالها حد مايفارقها ..
او انها ترووح عند دكتور ..
الله يعينكم ويوفقكم ..
عزيزتي ,,مستانسه بس متضايقه
انتِ فعلاً ونعمة الصديقة ,,
شوفي يا قلبي ,,
اذا كان هي لديها رغبة في اصلاح نفسها سوف يكون علاجها بسيط
لانها احست بالذنب ,,
ولو بامكانها تضع علامة باصبعها كل ما ارادت ان تسرق تتذكر ان
هذا الشيء حراام ,,
اهم شيء خليك جنبها ولا تفارقيها بنصائحك ,,
تحيتي ,,
الطبع غلب التطبع!!!!!!!!!!
الله يغنيها عن هالعادة
الحمدالله انو لحد الان مااحد بلغ عنها
يعني مثل ماقالت الاخت اميرة دبي لازم يكون معاها احد قريب يعني اذا طلعت مع زوجها لا تبعد عنه ابدا ونفس الشي مع اهلها او مع اي احد طلعت معاه
وانتي ماشاءالله اكيد فيك البركه حاولي معاها وانصحيها كــل يوم وقوليلها انو ربي اكيد مو راضي عن هالشي اللي انتي تسوينه لانو اذا محد شافك ربي اكيد شافك وستر عليك الحمدالله واكيد البنت في يوم من الايام بتقدر تتحكم بنفسها ان شاءالله
وادعيليها وخليها هي تدعي وتطلب ربها انو يفكها من هالعاده
الله يهديها ..
وخليها تكثر من الاستغفار وان شاء الله بتترك السسسسسسسسسسرقه …
وفعلا خليها تروح لطبيب نفساني عشششششان .. هي بعد ترتاح ..
<بنات ادعوووووووا لها بالهدايه..