خطيبي جاب لي الوساوس والله مي حاله ! مليت ! ساعدووووني جعلكم الجنه

هو صح يعبر عن مشاعره لكن بشكل رسمي انا مشكلتي رومنسيه واموت بالرومنسيه ابيه دائما يعيشني في حب وشوق ورومنسيه

شئ ثاني هو ولامره زارني البيت واحنا ملكتنا كانت من شهرين وللحين مافكر ولا جت في باله انا بس نفسي اشوفه اقعد مع الشخص اللي رح يكون زوجي نتعود على بعض لاني انسانه تخاف من الحياه المفاجئه الجديده وممكن افشل فيها فاذا ماكان في مقدمات ماانجح في في تعودي على الجلسه معاه والسوالف بعدين
والاهم ان هالفتره فتره مميزه وحلوه واحتاجه يكون جمبي

قبل يومين تجرات وقلت له هالموضوع وقلت اني مشتاقه لك ومحتاجتك جمبي وودي تجي تزورني واشوفك

قال لي انتي تعرفين عندي دوام وخميس وجمعه تكون عندي اشغال انا سكتت لان كلامه صدمني معقوله مشاغله اهم مني مايبي يشوفني والا عالاقل يحقق لي طلبي ويسوي المستحيل عشاني زي البنات الباقي ومنهم خواتي كانوا ازواجهم كل ثلاث اسابيع عندنا فالبيت ويجيبوا لهم هدايا
اما انا لاااا

وقفلت عالموضوع
واليوم اللي بعده كتبت له خاطره واضحه ومفهومه ان وجوده جمبي يهمني واني محتاجه اشوفه واحس شوفته بترد لي الروح لان عندي ظروف صعبه وامتحاناتي منكده علي ودايم افكر فيه ودي بس المس احتياجه لي زي احتياجي له
وكتبت له ان مارح انسى ان الظروف والمشاغل كانت تستحق انها تكون عذر يعيق طريقك لي .. خصوصا ان مافي شئ يستحق اني اعذره

لكن فالاخيررر هالموضوع مو شئ اساسي لكنه شئ ثانوي يهمني

طبعا ردة فعله لما قرى الخاطره قال لي حبيبتي فسري لي الخاطره
قلت ماعندي شئ افسره
والخاطره واضحه ومفهومه
قال فسريها
قلت لو كان في كلمه وكلمتين اقدر اوصل شعوري ماكنت لجأت للخاطره
قال لا فسريها بكلمه او كلمتين

وصار زي اللي يتهرب
بعدين قال يللا حبيبتي تصبحين على خير وسكررررر
تصرفه غريب يحسسني اني ميته عليه وهو عاتي
ودايم يقول لي لاتشتاقين لي كثير اخاف عليك ؟؟؟؟وش قصده ؟
ورررررربي مليت

مع العلم
انا اسلوبي معاه عاتي ولاقد جرحته او قلت له شئ

وهو دائما يقول قولي لي كلام حب وشوق ولما اقول له يقول اخاف عليك