حياتي أحلى بعد التمارين الرياضية

السلام عليكم
كيفكم يا حلوين؟
بدي أحكيلكم عن حالي

من مدة شهر دخلت نادي لياقة للتمارين الرياضة وتغيرت حياتي صارت أحلى وتغيرت نفسيتي لدرجة كبيرة وتعرفت على بنات هناك وصرت أذهب كل يوم.

أنا دخلت النادي عشان قالتلي الدكتورة اذا بتنقصي وزنك بصير فرصة حمل أكثر وما بخفي عنكم انه كل جسمي تنشط مش بس المبايض وصدري شد ورجلي وحتى يداي صار عندي شوية عضلات بس (ناعمة) وأنا فرحانة على هذا التغير والحمد لله.

أول يوم دخلت روحت أبكي من وجع التمرينات الرياضية وثاني يوم كمان والثالث أخف لحد ما تعودت وصرت أحب الرياضة كتير.

المدربة أمورة كتير وبتعطينا تمارين للمعدة وللصدر وللأفخاذ واليدين وللخلفية حتى ولكل جزء بالجسم وقالت انه اللي بلتزم بالرياضة يوميا بينزل 4 كيلو بالشهر طبعا اذا ما خبصت الوحدة بالأكل كتير وأنا الحمد لله نزلت وأنا فرحانة كتير.

كنت زمان أول ما أطلع الدرج أصير أتنفس بصعوبة كبيرة بس هلء لأ الحمد لله وكنت كمان أقوم بصعوبة في شغل البيت وخاصة بعد الأكل واستصعب المشي لمكان بعيد كمان اذا بدي أزور حدا أركب تكسي بس هلء لأ تغير حالي.

أنا بنصح اللي متأخرة بالحمل تروح على نادي لياقة حتى لو مو ممتلئة الجسم لأنه بنشط الجسم سبحان الله وكمان تغير من روتين حياتها شوي وبتشد جسمها.

وكمان المدربة بتقول ما بنفع تنزلي وزنك بدون رياضة لأنه الجسم ما بشد بصير منظره بشع كتير لازم رياضة مع رجيم وربي يسرلكم الخير.