السلام عليكم ورحمة الله وبركاته
اشكر الكل من رد ع موضوعي
http://forum.sedty.com/t935426.html
انا قبل كذا حاولت انتقل من المدرسة واروح مدرسة ثانية ارتاح فيها وافتك من الاختصاصية وكل البنات اللي بصفي وكنت امخبره اخوي بمعاملتهم.. وهو راح اهناك عسب ياخذ ملفي وينقلني بس المشكله رفضت بحجة انها اتحبني وما تباني انتقل..
وانا احبها اصراحة وايد واعتبرتها ك امي.. لاني ما حصلت حنان امي ولا ابوي الله يرحمه.. وحتى لما اتكلم ويا امي واشتكي عندها ما تهتم..ولا تفهمني وما اخلي هالشي في ذمتي لانه امي مش صاحية.. مريضه والحمدالله ع كل حال.
ولا غلطت بحق احد..
يعني في كل صغيره وكبيرة البنات يضحكون علي او يحشون.. حتى لمن اجاوب في الحصص ويفضحوني.. وما يسترون علي.
ومرة استوت موقف.. كثير اتضايجت.. واهو كان عندنا عرض.. اي وحدة من البنات يلبس ملابس جيش واي وحدة ملابس علم الامارات, فانا اخترت جيش وقلتلهم..
هم كانو يقولون اللي يبا جيش يرفع ايدها.. وانا رفعت.. وكتبو اسمي.. بس بعدين.. قالو انه راح نزقر الاسامي وكل وحدة اتقول نعم..
وانا ماحبيت ارد.. يوم زقرت اسمي.. تمو يضحكون وهم يزقروني كم من مرة.. حشى..
فبعدين البنت قالت.. "بسألج سؤال!.. انتي ليش عايشة دامج ماتردين؟!"
واهني اتضايجت من كلامها ورحت عند الاختصاصية اشتكي عندها وانا ابكي بحرقه.. بس ما سوت ولا شي ولا اعتبرتني.. ولا حتى تعبت نفسها اترمسهم…
قالت انها بترمسهم.. بس لاتكبرون السالفه حتى 5 بنات لحقوني وخبروها السالفه..
وقبل اسبوع.. الاختصاصية قايله حق ربيعتي.. انها ما صدقتني يوم اشتكيتلها..
قالت انه انا احس من هالشي.. البنات يبون يتقربون مني بس انا ارفض.. والله العكس.. انا حابب اتقرب منهم بس يجرحوني بكلامهم.. بعدين بطلت اشتكي من عندها..
تميت اشتكي عند اخوي وخالتي.. وقالو السنة اليايه بنقلج.
وكنت ابي ابتعد عن ربيعتي عسب رمسه الاختصاصية.. بس البنت ماتبيه تبتعد..
دوووم اتضارب وياها واقولها كلام يجرحها عسب تبتعد…بس ما ينفع
والاختصاصية قايله حقها "قوليلها شي اتخليها تكرهها فيج" بس هي ماتسويها
رفع
لا اله الا انت سبحانك اني كنت من الظالمين
الله يفرجها عليكي