تعبنا والله؟ باقي حد فيكم يحس!

عارفين شعور لما الواحد يتمنى شي بكل ما فيه ! بس هالشي فوق إرادته و ما بيده غير إنه يتمنى و يدعي ربه إنه يتحقق ، و يجي شخص بكل برود يقولك ليه ما صرت كذا و ليه ما عندك كذا ؟ طيب إفهموا والله مو بيدي و لا في غير قدرة الله تجيبه !
تدرون عن شنو أتكلم …؟
عن حالتي مع مجتمعي و نظرته و كلامه للبنت اللي تأخرت بالزواج ! تجي وحده و تقول ليه ما تزوجتي للحين خلاص صار وقتك تتزوجين ! غيرك خلاص تزوج و خلف …؟؟؟
طيب يا مجتمعي العزيز و يا الحريم بالأخص اللي ما وراها غير التطمش، من متى البنت هيه اللي تقرر وقت زواجها ! مو مستوعبين إنه نصيب و إنه هالشي بحكمة رب العالمين ..!!!
مدري شقول والله , بس عفيه فكروا بكلامكم زين و تأثيره ع الشخص اللي تقولونه له ، ترا والله تعور و كثيييييييييييير بعد.
تحسسوا البنت اللي تأخر زواجها إنه يعيبها شي و ناقصتها حاجة، ترا عمره الزواج ما كان مكمل لا لحياتنا و لا لسعادتنا و عمره الزواج ما كان مقياس يحدد اللي أخلاقها عاليه و الأجمل عشان يكون لهم الأفضليه بالزواج.
ترا بجد مو ناقصنا شي الحمدلله حمدا يليق بجلال وجهه، عندي دين و علم و جمال، بس المسألة مسألة نصيب !
إرتقوا شوي خلكم من الكلام اللي يغث الأشخاص اللي حولكم ، و خلي كلمتك الطيبه هيه اللي تدفع الناس يذكرونك بالخير مو يتحسبون عليك و على كلامك اللي يجرحهم ،

يُرْسِلِ السَّمَاء عَلَيْكُم مِّدْرَارًا

وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

مَّا لَكُمْ لا تَرْجُونَ لِلَّهِ وَقَارًا

الاستغفار يجلب النعم استغفري بنية غفران الذنوب وادعي ربك يرزقك الزوج الصالح