تعبتى من الوصفات والشامبوهات والكريمات وشعرك مش بيتغير ؟

السلام عليكم ورحمه الله وبركاته

فى كتير جدا مننا اللى بتحاول وتعافر وتعمل اللى ميتعملش لا شامبو نافع ولا كريم نافع ولا زيت نافع ولا جاز نافع وتحط فخلطات وتعمل فوصفات ومفيش اى تحسن شعر خشن وبيقع عارفه ليييييييه ؟؟؟؟؟
اوي تخلى حد يضحك عليكى تانى ويقولك هاتى الشامبو الفلانى ولا البلسم العلانى اصل فروه راسك غير فروه راس غيرك وان جاب معاها نتيجه كويسه ممكن ميجبش معاكى وممكن جدا يوقع شعرك ومتصدقيش اللى يقولك انا عالجت شعري بكريمات او زيوت او حطيت بيض او عسل او تفاح او وسائل العلاج والتصفيف الباهظه او حمامات الكريم مع احترامى لكل واحده بتكتب موضوع هنا او وصفه جربتها بس انتى مش زى غيرك ومش اى حاجه والسلام تنفع
انا بقرا والله اسماء اعشاب ونباتات الفتوكات هنا بتقول عليها اول مره اسمع عنها واسماء غريبه معرفش عشبه اى وبذره اى وفلوس اييييييييه طب ليه كل دا اكيد مش كلنا معاه فلوس يجيب الاعشاب دى مهما كان سعرها والاسم بنجرب يكش يجيب نتيجه
كل اللى عايزا اوصلهولك كلمتين ان العنايه بشعرك بتبدأمن جذوره مش الشعر بس اهتمى بنوع غذاء شعرك اللى يستفاد منه ويمتصه يعنى مش اى حد يقولك حاجه تجرى تحطيها على شعرك ومانتيش عارفه دا بيغذى فعلا ولا لأ
لان الغذا لو كان مش سليم ومش بيحتوى على العناصر الازمه لنمو الشعر ونضارته ممكن شعرك ينمو بس يأما هتلاقيه خشن او مقصف او باهت شوفى نوع شعرك ايه واهتمى بيه قبل فوات الاوان وقبل كل دا كلى كويس لان الشعر بيتغذى من جوا اكتر من الزيوت اللى بتحطيها على شعرك وبرضو حالتك النفسيه بتأثر عليه وياريت الصبر يعنى مش من اول مره جيتى تهتمى محستيش بفرق تقولى يووووووه اصل شعرك زى الزرع كل ماهتهتمى كل ما هيبقى اجمل واطول
انا والله والله بقول الكلام دا لوجه الله مش بشكك فكلام اى واحده قالت وصفه او تجربه او اقول قيموا الموضوع عشان اخد وسام انا برضو شعرى بايظ جدااااااا وصرفت دم قلبى عليه ومحصلش اى حاجه
بس ابتديت اخد بالى من الكلام دا ومش عايزا حد تانى يحصلوا زيي وشعرها يبوظ
كل اللى عايزاه منكو دعوه حلوه واتمنى اكون فيدت حد فيكوا وجزاكو الله كل خير

يطرى الشعر ان شاء الله
مع حمامت الزيت يوم بعد يوم
وراااااااح يصير حلو ان شاء الله