طبعا هذي اول مشاركة لي يعني شجعوني
وايد عانيت من شعري لاني وايد اصبغ ووايد اقص ووايد اسشور وستريت وما احب شكل شعري يكون عادي،، طبعا هذا كله ياخذ من عافية الشعر
المهم رفيجتي جربت الكيراتين كيور ومدحته لي وايد صراحه ما صدقتها حسيتها شوي تقط صواريخ خخخخخخخ
اهيا شعرها وايد خشن وصابغته اشقر بلاتيني 
لما شفته امبيه ما صدقت صاير نااااعم وطايح نفس ممثلات هوليوود
سالتها عن الي استعملته وقال لي شركة بحولي اسمهم الخدمات التجارية والمنتج اسمه كيراتين كيور
جربته النتيجة مو طبيعية
اختي مهندسة كيميائية حذرتني من مادة يستعملونها بالتحنيط اسمها فورمالين لما سالتهم قالو لي انه خالي تماما من الفورمالين
وينغسل بنص ساعة
وسعره وايد زين مقارنة بالكيراتين الي موجود بالسوق
وما ياثر على الصبغة بس بشرط انج تصبغين قبل الكيراتين
وحتى اليهال امن عليهم وما يضرهم
وعندهم ترخيص من وزارة الصحة
وقالو لي في بنات شعورهم ناعمه استعملوه عشان يعالج لهم الشعر
صج مو طبيعي حتى الحرقه الي بأطراف شعري اختفت والتكسر راح فعلا مو طبيعي
والاحلى استعماله وايد سهل انا عندي ستريتور وايد حار وسشوار بو 3000 واط وسويته بالبيت
وباقي العلبه خشيته عشان المره اليايه 
اتمنى اني اكون فدتكم
فمان الله
الله ييسر امرك
والله مدري عن هالكيراتين
بس شكلي ماعندي حل غيره
والله يجزاك خير ….
والله انا جربت الكريتين وربي وانا عروسه وما جلس اسبوع وبعدين تفشلت وربي صرت كل ماطلع زوجي استشور احسه بس قعد ناعم اسبوع مو سنه على قولهم احسهم كذابين ربي يبتليهم
والله دفعت ريال
فلوسي طارت من مهري على شي تافه وياليته فادني بس
انا دحين معتمده على الزيوت والاستشوار
مافي حل
هل المنتج آمن ؟
بارك الله فيك حبيبتي
على الطرح الرائع
انا يومي عروسه جربت كيراتين في مشغل شيفون
حلو ونعم شعري لكن بعد فتره لاحظت فراغات بشعري
بس مالاحظت تساقط خخخخ
لكن ماراح أعيدها إلا بنفسي وبكيراتين كيور
في نوعين في بالعسل مثل اللي حاطته وفيه بالشوكلت