تأخير الحمل والفحص المنزلي

اسعد الله مساكم عزيزاتي ..
حبيت استفسر منكم عن شي وارجو الرد باسرع وقت نظرا للاهمية ..
انا لي حوالي سنة متزوجة ولحد الحين ما صار اي حمل ..
من كم يوم بعيد عنكم الشر وانا ارتب في بيتي صادني حادث طحت على الارضية الرخامية ,, ونتج عن السقطة رضة شديدة باليد ..
المهم رحت المستشفى وطلبت مني الدكتورة اني اسوي اشعة للتاكد من سلامة يدي .. ولما رحت قسم الاشعة سالتني موظفة الاستقبال عن اخر دورة لي ,, قلت لها من حوالي اسبوعين يعني قريب 3 اسابيع يعني هاي وقت الدورة تقريبا يعني (( 18 )) يوم من اخر دورة .. المهم طلبت مني انتظر في الانتظار .. ولما جا دوري .. دخلت على دكتورة الاشعة وسالتني نفس سؤال الموظفة وقلت لها صار لي 18 يوم من اخر دورة يعني باقي 3 ايام وتجيني الدورة الله يعزكم .. رفضت انها تسوي لي الاشعة وقالت لي هاي امكانية كبيرة لحدوث حمل بها الوقت .. طبعا انا رجعت للدكتورة اللي طلبت مني الاشعة وقلت لها عن كلام دكتورة الاشعة وقالت لي الدكتورة لازم عيل تسوين فحص حمل قبل الاشعة ..
المهم رحت للصيدلية وشريت فحص الحمل المنزلي وطلع لي خطين .. يعني خط الحمل بالكاد ينشاف .. قلت لاختي قالت لي انج حامل حتى لو خط الحمل خفيف ..
السؤال هو ..؟؟ هل يمكن ان النتيجة تبان في التحليل قبل موعد الدورة ؟؟
ومن جربت الفحص المنزلي قبل الدورة وضبطت معاها لاني محتاجة اعرف لو انا حامل او لا نظرا لاني ابي اعالج يدي ..
طلبتكم عزيزاتي تكفوووووووووووون ردو علي ولكم جزيل الشكر وسامحوني على الاطالة ..

ومبرووك مقدما
عالحمل

المشاركة الأصلية كتبت بواسطة آم آلحلوين الله يرزقك الذريه الصاالحه

ألف شكر اختي الغالية على المرور العطر والله يرزقنا واياج يا رب ..