السلام عليكم ورحمة الله
حبيت الحق الفراولة قبل ماتخلص لأنى من عشاقها وفى نفس الوقت الحر دخل علينا فجاتلى فكرة ان كل حاجة بنحبها نحولها لأيس كريم وان شاء الله كل فترة هنزلكم طريقة جديدة من طرق الأيس كريم
ممكن نشتريه من برة طبعا ونوفر مجهودنا بس انا بحب اعمل كل حاجة فى البيت لأنها بتكون اضمن وعارفة مكوناتها وطريقتها
مكونات ايس كريم الفراولة:
كيلو فراولة
كوب سكر
كوب كريمة لبانى
نصف ملعقة صغيرة فانيليا
الطريقة
هنغسل الفراولة ونحطها مع السكر فى المحضرة
ونشغل المحضرة لغاية مايمتزجوا والفراولة تتهرس كويس اوى
ونجيب الكريمة
وده شكل الكريمة اللى بستخدمها فى كل الحلويات
ونحطها على الفراولة هى والفانيليا
ونشغل عليهم المحضرة لمدة دقيقة ونحط الخليط فى علبة محكمة الغلق
ونحطها فى الفريزر
ونطلعها بعد 4 ساعات مثلا هنلاقى الجناب تلجت والوسط لاء فنقلبها عشان نساعد على تجميدها اسرع
وقدمتها تانى يوم
طبعا دى طريقة من طرق الأيس كريم الكتيييييييييييييير جدا بس انا حبيت اعمله بأسهل طريقة
يارب موضوعى البسيط ده يكون عجبكم
وبالهنا والشفا
واووووووووووووووووووووو شهية
تسلم دياتك ياقمر
ربي يعطيك ألف عافية
لاتحرمينا من جديدك
الله يعطيك العافية يارب
ما شاء الله
تسلم ايدك حبيبتي
بارك الله فيك
يعطيك العافية على الوصفة اللذيذة