اهليييين صبايا مساء الخير \ صباح الخير
راح ادخل بى الموضع ع طول ومعليه راح اتكلم بى الغه العاميه …
المشكله هيا بين اخويا وبين بنت يحبها بى جنون بس ولله ما كنت اعرف انو حبها ويموت فيها زى كدا
مره كنت جالسه فى غرفتى واستغربت دخول اخويا على وباين علا وجهى انو عندو كلااااام كتير عطانى رقم وقلى اتعرفي على البنت هادى وتعرفت عليها وكانت بجد البنت اخلاق ومرر طيبه لى ابعد الحدود البنت هادى اخوى اتعرف عليها طبعا وين ما ادري المهم انو اتعرف عليها ويحبها ويموت فيها يعرفو بعض فوق سنتين داك اليوم قلى اخوى انو يبغا يتقدم لها بس مو عارف كيف يقلها انو يبى يتقدم …. ع فكره اخوى عمرو 20 سنه وهى بعد عمرها 20 سنه قد بعض فقلى انتى قولها وافتحى معها الموضع انا هنا انصدمت لمن قلى انو يغا يتزوجها لانو بنت خالتى تحب اخويا مرره وهيا يتيمه فقلت له بلا جنان بنت خالتى تحبك قلى بس انا ما احبها بصراحه انا هنا قلت البنت هادى لازم تبعد عن اخويا اتصلت ع البنت وقلت لها ترا بنت خالتى تحب اخويا فرجاااء ابعدى عن اخويا خلاص انا هنا غلطت وعارفه انى غلطانه بس ذيك الساعه فكرت فى بنت خالتى يتيمه مالها لا ام ولا اب فقلت بنت خالتى اولا من البنت الغريبه
المهم البنت بدت شوى شوى تبعد عن اخويا وكان كل يوم يقلى احسها متغيره معاى مرررره مدرى ليش المهم واول مره من يوم ما اتعرفو ع بعض يمر اسبوع وما تكلم اخويا اخوى راح يجن والسبب انا منى قادره اقول له انا ايش سويت انا السبب فرقتهم عن بعض بس ولله عشين بنت خالتى انا حاولت اكلم البنت بس هيا ما ترد على ابد او تقفل جوالها ارسلت لى رساله قالت انا احبو صح ولو ادرى من زمان انو بنت خالتو تحبو وهو يحبها ماكان استمرنا مع بعض ومن بعدها جوالها مقفل ولمن ادق ع تلفون البيت يصرفونى هيا فهمتنى غلط انا قلت لها بس بنت خالتى تحبو هو ما يحبها
قولى لى ايش اسوى اروح افهما الموضوع فى بتهم لانو مافى غير هادا الحل بس اخاف لمن اروح ما تعطنى وجه اخويا راح يتجنن علها
عارفين اخوى ايش قلى لو خلصو بنات العالم كلو ماراح اتزوج بنت خالتى انا اعتبرها مثل اختى
ايش اسوى يا بنات مالى غيركم بعد الله
افيدونى الله يسعدكم انا مستعده اسوى اى حاجه عشين اخويا اهم حاجه يرجع زى زمااااان
حرام عليك انتي فكرتي ببنت خالتك ومااهتميتي بمشاعر اخوك بنت خالك بيجي نصيبها
وماتدرين لو تاخذ واحد كفو اكثر من اخوك بس انتي راح تخسرين اخوك وتكرهينه فيك
بس من قصتك انك مو من السعوديه لانك تقولين يكلمها وانا هنا اقول حرام ايش حب بالجوال
اللي يحب يتزوج مو يكلم بعدين يتزوج والله يكتب لهم الخيره وانا اقول روحي لبيتها واعتذري
لها وفهميها ان اخوك مايحب بنت خالتك انه يحبها هي بس 00
والله يهديهم ويوفقهم لما فيه خير يااااااااااارب @@
أنا أقول لازم تروحيلها وتفهميها السالفه واعتذري منها
الله يسامحك حبيبتي خلص الي صار صار ولو البنت طلعت كثير محترمة وهذا واضح لانها سمعت كلامك وسوت الي رديته
حبيبتي الحل الوحيد هو انك تروحي للبنت وتعتذرين منها وتفهميها انو اخوج يريد يخطبها
ووبذاك الوقت لما البنت تقتنع
تجين وتكلمين اخوج وتفهمي الموضوع وتكوليلة انج رحتي للبنت واعتذرتي منها وفهمتيها السالفة وتخلي يروح يخطبها
والله يوفقهم ان شاء الله
روحي لبيتهم وفهميها السالفة
احسن حل تروحي تفهيميها السالفه
دام يبغاها بالحلال
وقولي له لايكلمها حتى يملك عليهااا
بالتوفيق
حبيبتي حرام عليك اللي سويتيه باخووك
وهم كانوا يحبو بعض يعني حب من طرفين
مو حب من طرف واحد مثل بنت خالتك
واحسن حل روحي لها في البيت وفهميها
وقولي لها اخوي يحبك انتي ومايبي غيرك
ومن هالكلام,,وبنت خالتك بيجي نصيبها
والله يعوضها خيير,,
روحي لها نصيحه من مني لك
تحملين حالك وتروحين للبنت وتعلمينها السالفة بكل تفاصيلها وتعلمينها بحالة اخوكي لانك كسرتي
قلبه كذا كذا هو مو متزوج بنت خالتك فخليه يتزوج اللي يحبها ولاتحرمينه من حبه وبكذا راح يرتاح
ضميرك وتسعدين اخوكي بعد اللي سويتيه فيه