(الصد .مــات)

الصد منك سيدي ما هو أبــ…صدمه
صدك ترى فيني أشوف أنو صدمات

أحس جوي ضايق وصايبه كتمه
عقرب دقايق وقتها لسعه ولدغات

دفنتها ونسيت أنا كل بسمه
وهد التعب حيلي وعانيت بسكات

الحزن شكلني بابداع رسمه
ريشه رمادية لأفراحي بالذات

حتى السعاده مالها أي لزمه
زاد الالم في ظل بُعدك مساحات

الهم باسبابك لي منه قسمه
يا واصلن فيني من الصد غيبات

البعد ياعالم يخلقلك ازمه
وترقى بها وتغوص لأخر نهايات

بس العمر تكفى لا… تنسى أسمة
أعطاك من هالحب والصدق لمحات

هي جمله وتكفيك عن أي كلمه
قلبي من( الصد……مات )إي للأسف مات