السلام عليكم ورحمته الله وبركاته
اعجبني القسم بصراحه وانا بحاجه اني افضفض لاني مخنوقه جددددددددددددد
سامحوني ع الاسلوب والحكي وبقولكم سالفتي بكل اريحيه
انا عمري 27 سنه غيرمتزوجه ماخذه بكالريوس اجتماعيات وجالسه بالبيت مره فراغ موطبيعي
وانا الكبيره للااااااسسسسسسسسسسسسف من يوم انا صغيره تحملت مسؤليه كان مره ثقيل علي
وكانت مشاكل كثيره بين امي وابوي وكنت ضايعه بينهم واذا ارضيت طرف دعى علي الطرف الثاني وللاسف كانوا الاثنين شكاكين وماكانوا يحنون علي وكنت اعاني كثير منهم واسكت من الخوف ومرت السنين ابوي تزوج وامي ساءت علاقتها معي تجرحني بالحكي وانا بس اصيح بغرفتي لحالي واحيانا انضرب وهذا حالي واحيانا اتفشل عند خوالي وبناتهم وانا بس اكتم واصيح مع نفسي حتى ابوي كان كذا عانيت بحياتي كثيررر والشاهد الله اني اصيح ع حالي الحين وانا اكتب لكم
الحين اخواني كبروا وصاروا زيهم كملت دراستي وخلصت وللاسف للحين مشاكل ع شيء تافه مالي اي قيمه وصرت اخاف من الزواج اطيح بشخص مثلهم ومن الدعاوي اللي اسمعها منهم واشوف كيف الدلع والخوف لخواتي الثانيات واقول ليه انا لا مع العلم اني مااقصرمعهم بشيء وانا الحين زعلانه لي 3 ايام بغرفتي ولاكاني موجوده بس يقولون تعالي نظفي البيت وش فايدتك عندنا وخواتي مايلمسون شيء كل شيء علي انا بس هالمره ماراح اكلمهم ولاشيء ولاعاد ابي منهم شيء لاني تعبت ونفسيتي تعبت حيل منهم اعطي ولااخذ والله ماابي شيء بس يحسون بي انا انسانه
اسفه ع الاطاله حبيت اكتب كل اللي احس بوه لكم بااختصار
والسلام عليكم ورحمته الله وبركاتوهـ
انتظر ردودكم لي
ودي…
الله يعينك ويصبرك ممكن عشان انتي الكبيرة ومحملينك مسؤليه
اسأل الله العلي القدير العزيز ان يفرج كربك