السلام عليكم عندي مشكله سخيفه شوي بس تضايقني جد انا ابغى يكون عندي جوال بتقولون ليش انا بنت ب 1 ثانوي ولا عندي جوال اقدر اعيش بدونه عادي بس اول مادخلت الثانوي قالو البنات راح يسوون قروب بالواتس قلت اوكي عادي ودخلت برقم امي لأن ماعندي جوال تماشيت مع الوضع وصرت دايم ازعج امي اقول يمه ابي اشوف القروب وإلخ لين جاء يوم اذكر كان عندنا اختبار وكان اختبار من 40 درجه وقمت اذاكر بكل حماس وقلب وفي الاخير التغى الاختبار البنات قالو هالشي بالقروب بس انا ماقدرت اشوفه ليش لأن مامعي جوال صرت جد اعصب (بنفسي طبعا) لما امي ترفض تعطيني جوالها اشوف القروب وصار يضيق صدري لأن البنات مامعهم جوال بتقولون ليش السبب وليش امك رافضه امي تقول مامعي فلوس انا اعرف ليش مامعها بس انا من يوم كنت بالمتوسطه وانا ابغى جوال وكانت حالتنا الماديه تجنن افضل من الحين بس برضو امي رافضه تعطيني جوال عشان تقول مامعها فلوس والصراحه يعني السبب اخواني مايصفى من الراتب شي بس يطلبون ويزعجون ويمه ابي فلوس وإلخ واخوي امي شرت له سياره قبل كم شهر هو اكثر واحد يطلب يعني لمتى اهلي كذا ولمتى اخواني طلباتهم ماتخلص والله طفشت 🙁 على فكرة انا اقل وحده تطلب اشياء في البيت يعني الشوزات عندي قليله وملابسي وعندي لاب له 5 سنين معي ولاتغير كل الناس تغير اشياءها الا انا 🙁
جمعي من مصروفك لمدة معينة وخذي من أمك كل مره مبلغ بسيط جدا ع الي عندك واشتريلك جوال مستعمل مشي حالك لين ربك يفرجهاا أصلا الحين الجوالات المستعملة أسعارها
200 و 300 الي تجي من شركة سامسونج وأحيانا أقل ع حسب الجوال
وفي جوالات جديدة كمان ب 300 تلقيهاا
وعليكم السلام ورحمة الله وبركاتووـأ
اتفق مع الاخت يمعي مصروف واخذي لج .. ولا ضايقي بعمرج عسبة تلفون وتكدرين بروحج
خلج ريلاكس وماتعصبي
موفقة
كلام الاخوات عين العقل وربي يوفقك وينولك الي ببالك