أفضل الأرواج المرطبة تعالي شاركيني

هلا بأحلى عضوات

نورتوا موضوعي بطلتكم و إن شاء الله بمشاركاتكم

حبيت افتح معاكم هذا الموضوع عن الشفايف و بالذات الارواج المرطبة moisturizing lip color

اللي فيها خاصية الترطيب و تحمي الشفايف من الجفاف و التشقق

طبعاً الشفتين بشكلها و نداوتها و طراوتها من اهم علامات الجمال

فلازم من الاهتمام بيها
أول شئ لازم نقشر الشفايف و من المقشرات اللي استخدمتها

مقشر الشفايف من بدي شوب

و نتيجته جيدة اديه 3 من 5

بعد كذا نحط الاساس على الشفايف مو بس الوجه علشان نضمن ثبات للروج

و بعدها نستخدم المحدد و أخيراً الروج

و من الارواج و الغلوسات اللي وعدت بالترطيب لاحتوايها على الصبار والغلسرين وفيتامين هـ و استخدمتها

اول روج كان من ريفلون و كان رائع بمعنى الكلمة بس للاسف وقفوه و زعلت عليه

و استخدمت روج من ماكس فاكتور و اكيد كلكم تعرفوه

هذا الروج يوعدك بالترطيب و الثبات لثمان ساعات
و كلمة روووووووووووعة قليلة عليه اديه 5 من 5

و هذا من ريفلون يوعدك بالثبات و الترطيب
بصراحة ثباته مو مرة بس احسن من ارواج كثير
حبيته و اديه 3 من 5

و هذا من ايف سان لوران حلو فعلاً ترطيبه رائع بس يلطخ و يحتاج تطبقي خطوات كثير علشان تضمني ثباته بس في الترطيب حلو اديه 3 و نص من 5

معاه مرايا
من Bourjois و نازل جديد
شايفين البينكي اللي في الوسط هذا روجي و حببببببببببي يا ناس مرة خطيرة درجته مرة حللللوة خطيييرة و مع اي مكياج بتلاقيه جاي رووعة و مع خاصية الترطيب اللي فيه يا سلام يجنن بس ثباته مو مرة و اديه 4 و نص من 5

وهذا برضو من Bourjois و هو كمان مرطب و اول ماتحطيه حتحسيه حااار و اكيييد خطيييير اخذت اللون الاورانج و مرة يجنن في الترطيب و اللون و اللمعة الحلوة انا استخدمه لوحده و شكله يطلع مرة خطير و اديه 4 ونص من 5

و هذا من بدي شوب بالنسبالي هو افضل واحد فضيييع و خطييير و استخدمه برضو لوحده و الناس دايماً لما احطه يسألوني عنه مافي احد شافه عليا و ماسألني عنه مررررة فضيييع ترطيبه خيال و منظره برضو خيال اديه 5 من 5

هذي مو كل الارواج بس افضل اللي جربته مع الترطيب

ليتكم تشاركوني و تدونا اسماء الارواج اللي جربتوها و عجبتكم بس ارواج بميزة الترطيب