السلام عليكم ورحمة الله وبركاته…
بدخل بموضوع ع طول بنات تعبت وانا ادور كريم اساس يناسب بشرتي من جد مو حاله
والمصيبه الاكبر منه انو ماعرف درجه بشرتي وربي تعبت ولا حتى بودره كم درجتي ببكي من هالموضوع مسبب لي أزمه كل الكريمات إلي اشتريتها يامتناسبني او بشرتي تتشربها دخلت قوقل وبحثت ولا،عرفت درجه بشرتي بنات ساعدوني من جد موضوع مضايقني عموماً نوعية بشرتي مختلطه بيضاء مايله لصفرار الله يرضى عليكم ساعدوني…
أتمنى من قلبي الإدارة تنزل الموضوع …
رفع انا عن نفسي
ما استخدم مكياج
الأفضل تروحين عند خبيرة تجميل وتعطيك اللي ينآسبك أو تسألينهآ وش درجة بشرتك ، موفقه ..
رفع
اش الهدف من كريم الاساس ؟
يوحد لون البشرة
اذا تختارين الاساس الي يندمج مع لون بشرتك ويختفي فيها ويبان طبيعي اذا اخذتي افتح بيبان لونها رمادي واذا اخذتي اغمق بيصير شكلك يضحك طيب بعد ماتختارين اللون المناسب وخلي البنت الي تبيع تساعدك في اختيار الدرجة او وحده من اخواتك تجين للتون حق البشرة يعني تميل على زيتوني ولا على حمرة انتي تقولين صفرا يعني زيتونية بالتالي تختارين اساس الدرجات الوردية مو الصفرا انتبهي ! عشان يعطيكي حيوية ويخفي الصفار
طيب قبل الاساس لازم تحضرين بشرتك تقشرينها وترطبينها بمرطب خفيف اذا تبغين الاساس يكون ديوي يعني فيه لمعه اشتري بخاخ fix من ماك تحطينه مع الاساس تخلطينه وبعدين تستخدمينه
قبل ما تستخدمين الاساس حطي خافي عيوب فيه الباليت حق ميك اب فور ايفر الي فيه الوان برايمرز
اللون الأورنج تحطينه على الهالات والاماكن السمرا اثار الحبوب والبقع النمش…
اللون الازرق على الحمار والحساسية والحبوب الجديده والاخضر على الزراق يعني لو عندك عروق زرقا او اثر ازرق تستخدمينه والازرق على الخضار بعدين تحطين عليها كونسيلر غامق وبعدين افتح شويه وتوحدينها مع لون البشره وبعدين باسفنجه تحطين الاساس بطريقة التربيت والافضل باصابعك بدال الاسفنجه يندمج اكثر
افضل اساس حق ماك بس لانه غالي يمكن ماتقدرين تستعملينه استعمال يومي انا في نوع يعجبني من ماركات سنتر بوينت ويشبه حق ماك بس ناسيه الاسم شكل العلبة اسطوانية قزاز وغطاها اسود سعره شي واربعين اشتري منه ثلاث درجات نفس لوني وسمرا وفاتحه واستخدمها في الكنتور وفيه من ميك اب فور ايفر محضر للبشره يوحد ملمسها ينحط قبل كل شي بعد المرطب انتي افتحي مقاطع اجنبيه في اليوتيوب
كيفية اختيار درجة الاساس المناسبة مع الوقت بتصيرين خبيرة وتسوين مكياج محترف
اتذكرت الاساس اسمه ريفلون كلر ستاي
انتي روحي لمحل المكياج ماك او وجوه وأكشفي وجهك عند العامله وهي بتطلع لك درجه اللون اللي تناسب بشرتك انا عن نفسي افضل كريم أساس ماك وشانيل خفيفه على البشره اذا رحتي قبل لاتشترين خذي منها عينه حطيها في علبه صغيره وجربيها في البيت اذا ماتحسس وجهك وناسبتك وناسبت لون بشرتك خلاص روحي اشتري
افضل لك ماتستخدميه كثير يعني اذا بشرتك تعبانه عالجيها وخلاص ماتحتاجي تحطينه الا بزواجات.
مو زين كثرة استخدامه.
انا ما استخدم ماكياج ;o