السلام عليكم
انا حالتي مره غريبه اول شي انا عمري 16عندي نسيان انسى كل شي انسى متى نمت ومتى صحيت وين رحت مثلا اروح اتمشى وارجع انسى اني طلعت من البيت والخبط في اسماء صديقاتي واحيانا اخواني واستيعابي بطيء لما احد يكلمني مافهم شي وذهني شارد كمان ماسمع زين مره واضيع كل شي حتى بالمدرسه اضيع الفصل وجارتنا مدرسه تقول لامي بنتك مو طبيعيه تمشي بدون عقل وبالمدرسه نسبتي71 مره ضعيفه والسبب مايمديني اركز والحاله ذي من خامس ابتدائي واللحين انا طالعه اول ثانوي كثير قالولي مرحلة مراهقه وتتعدى وانا من يومي صغيره في خامس كذا الى اللحين حالتي جالسه تسوء
روحي عن طبيبه واكشفي
مافيك الا العافية ان شاء الله تحتاجين لزيادة الثقة بنفسك والاندماج بالمجتمع ولا بد تذهبي للطب النفسي للكشف عليك ودراسة حالتك وحياتك بالكامل وستجدين ان شاء الله العلاج المطلوب
عاآدييي حالتك طبيعيه لا توسوسين الي قاعد يصير
هذا له سبب وانت تعرفينه كوويسس وهوو الابتعاد عن
الواقع انت عالجي نفسك بنفسك ونصيحه نصيحه نصيحه
اكثري من قرءة القرآن وحفظه ورب الآيات تقوى الذاكره
عندك وتتوفقين بحياتك وتحسين بسعاآده
ايه بالنسبه لسالفة السمع تراني كنت زيك زمان
بس بعدين اكتشفت انه هذا بسبب ( الإنطوائيه)
اذا كلمك احد وانت في داخلك ما تبفين تتعاملين معه
ماراح تسمعينه كويس حاولي تطوري نفسك وتزيدي
ثقتك وتصيري إجتماعيه بإعتدال وابدي بالتدريج
عشان ما تتعب نفسيتك لاني انا بديتها في الوجه وتعببت
نفسيا بس كملت الحمد لله امم بالنسبه للمدرسه
شوفي المواد الضعيفه فيها وركزي في حصصها
وحاولي تجمعي درجات الواجبات والحضور عشان
ترفعك شوي ولا تقولي انا غبيه انا ماني طبيعيه
لانك راح تصدقين [/COLOR[COLOR="rgb(153, 50, 204)"]]في الموضوع انا متاكده انك انت بالذات عندك
قدرات متميزه بس طوري ثقتك بالنفس واجتماعيتك
وكل هذا طبعاً يرجع لعلاقتك بربك ادري كلامي مخربط حاولي ترجعين
تقرين اذا ما فهمت
يقولون لك مو طبيعية لدرجة صرتي منتي طبيعية !
لو ماانتي طبيعية ماعرفتي تكتبين !
حبيبتي اقرأي قرآن كتب تفهمين يكون عندك محصولة كلمات واستيعابك يزيد !
يمكن عندك ضعف في السمع اكشفي يكون سبب !
حصني نفسك دائما ربي يحفظك ويفتح عليك !
بالتوفيق حبيبتي ،، 
صح لو كنتي ماتنامين الا بالنهار حاولي تنامين شويه بالليل لان في اعصاب ماتنام وترتاح الا بالليل
ولو كنتي تنامين جنبك جهاز جوال ابعديه ! موجاته مو كويسه للمخ
و لو كنتي تنامين وجنبك صوت شغال طفيه ،، خلي نفسك ترتاح بالنوم وصلي صلاتك بصوت مرتفع تنتبهين للكلام !
انا لامس كنت اشغل محاضرة بسماعة الجوال !
وانام اقوم صدداع متوترة مو مرتاحة ،، طول دراستي كنت كذا وكأني امشي بدون عقل ،، لولا الله ثم صديقتي والله يعني انمسح مخي نهائي ! الان انام كويس اشغل مقاطع ماتتعدى 9 دقائق يخلص ويطفي من نفسه !
زمان بالساعات غصب اتوتر ! نايمه او لا عقلي شغال مع الصوت
فانتبهي حبيبتي بطريقة حياتك واساليبكك وتصرفاتك !!
احيانا نظن انه يزيدنا ابداع ذكاء او حاجة ونتفاجىء باننا نصير اغبياء من تصرف غبي !
عرفتي قصدي ،، !
ربي يحفظك
انا أؤيد انك تروحين عند دكتورة هذي أحسن طريقة عشان ترتاحين وتعرفين ايش فيك ..
بالتوفيق
يمكن من اكل الشارع فية امراض كتير و يجعل النسان يصاب ب النسيان مثل الاندومى لكن اولا اذهبى لدكتور اذن لتطمئنى على سمعك ثانيا اهتمى بالخضرة وتكون مغسولة قبل اكلها مثل النعناع يقوى الذاكرة والدم الصاعد للمخ والبقدونس ثالاثا دعوات الى اللة والتقرب من اللة يارب اكون افدتك ….تقبلى مرورى
الحمدلله على كل حال .. من اسباب النسيان خلل بالهرمونات زياده أو نقصان – والأمر بسيط إن لم يرافقه مشاكل صحية أخرى .. لذلك ننصحك بالأشياء الطبيعية قبل الكيميائية – عليك بالأكثار من الكاجو ومن الفستق واللوز والجوز- ومن التونه : وهاتي ماء ساخن وضعي داخله ملعقه من العسل وقطرتين من زيت حبه البركه مع نعناع .. وأشربيه كالشاهي لمده عشر ايام – ومن الأفضل مع هذه الأمور الذهاب إلى طبيب مختص للإستشاره ممكن يكون عنده كلام ثاني. ولا تنسي الأستغفار فإنه يجعل القلب حاضر والعقل صاحي.