سلام عليكم صبايا
فرق بيني وبين اختي سنتين من يوم حنا صغار امي تعاملنا كأننا توأم ..والى الان وهي تكلمنا بصيغة الجمع تقول انتن وتبدا تهزأ فينا ..وانا اقول انا لي شخصيه وهي لها شخصيه تقول لا انتو سوا
هذا وحنا صغار لكن يوم كبرنا خلاص ماقدر استحمل وربي انخنق لما اسمع كلام الناس اختك احلى منك ..لما اجلس بعزيمه والناس تهمشني وبس يحكون مع اختي ..ولما امي تقول ليش ماقد انخبطتي مثل اختك شكلك بتجلسين مقابلتني بالبيت 
اختي ماشا الله اهلي والناس وصحباتها يحبونها صحيح مرات اغار منها بس مااحسدها بس كلام امي هو اللي يضايقني
كثير يابنات اجلس افكر بنفسي واقول ليش حياتي انا كذا واجلس اوسوس وافكر بربي بعدين اتعوذ من الشيطان عشان ربي مايغضب علي 
واختي الحين جالسه مع صحباتها واكيد اذا راحو تجي عندي وتقول انت كئيبه لاتروحي مكان ولاتطلعي انت شكلك يجيب لي الهم حتى امي تقول وين صحباتك ..انا مو بيدي قد ناديت صحباتي عندي البيت بس اهلهم يرفضو ..وانا وش ذنبي يقولو عني كئيبه ..خلاص هذي حياتي والمشكله اني ماقد شكيت لهم
يعني اذا صارت حياتها حلوه لازم تصير حياتي حلوه مثلها والله مليت من هالمقارنات بيننا يعني لو امي تعاملني اني انسانه ثانيه وتتفهم وضعي كان انا انسانه مبسوطه
يعني ليش تبيني بكل شي اسويه مثل اختي ..يعني ماتدري انها تخاوي بنات ومصايب ثانيه وش كثرها ..اكره نفسي كل ماتذكرت اني احاول اقلد اختي لدرجة اني سويت مثلها وخاويت بويه بعدين تركتها ومتندمه مره عشان اغضبت ربي بدون ماحس ..
صرت اتجاهل كلامها هي وامي يضايقني بس احاول اتجاهله ..حتى لو تجاهلتهم يابنات مارح تصير حياتي حلوه ..انا من يوم جيت على الدنيا كذا حياتي ماتغيرت لين الحين وانا بعمر العشرين ومرات اقول يمكن انا مكتوبه من الاشقياء واخاف اموت على شي يغضب ربي ولا انا اللي انبسطت بالدنيا ولا بالاخره
ليتني ماجيت على هالدنيا
عندما تقارني نفسك بالآخرين، تعيشين حالة خوف، وضعف في تقديرذاتك
فتفكرين كثيراً كيف تنافسيهم، فتبدأين بالابتعاد عن النجاح والوصول لمبتغاك ,
فكوني انت انت ولا تكوني غيرك واقولها لك واؤكدها لك لا يعني ان اختك الجميله ستعيش حياتها بجمالها فقط لان هنالك الكثير من المقومات التي يجب ان ناخذها بعين الاعتبار كالذكاء وقوة الشخصيه التي من الممكن ان تكتسبيها انت
اصبرى وان شاء الله ربنا هيعوض صبرك خير ويكون نصيبك احسن من نصب اختك بس قوى علاقتك بربنا
يابويا خلك واثقة من نفسك وطنشي الناس كلامهم جارح
بس خليهم يولون
خليكك واثقه من نفسكك ولاتقارني نفسكك بأحدد انا كنت أعاني من مشكلتكك بالعكس صرتت جبل مايهزني ريح اي احدد يقول انتي كئيبه اتجاهليه و كيذاا رح يطفش وممراحح يزعجكك و اول مثال اخواني دايمما يقولو انتي كئيبه و والخ بس تاجاهلتهم والحمدالله ماصارو يسو نفس قبلل ادري اتنمنى افدتكك واسفه لاني كثرتت كلاام
لاتدعي على نفسك ..والله قصتك مثل خواتي الثنتين مثل كذا كل م احد شافها قالو انتي احلى من اختك واختي تنقهر وتجيها حالات يغمى عليها..
خليك واثقه من نفسك ولايهمك لا كلام امك ولا اختك دام انتي شايفه انك قاعده تسوي شي صح ومايغضب ربي هذا كفيل بإن حياتك حلوه ..
ربي يوفقك ويسهل امرك
حبيبتي ترى مشكلتك جداً بسيطه ومو محتاجه كل هالتشاؤم والكئابه
كل اللي تحتاجينه تحتاجين ثقه بنفسك أكثر
| لكن يوم كبرنا خلاص ماقدر استحمل وربي انخنق لما اسمع كلام الناس اختك احلى منك ..لما اجلس بعزيمه والناس تهمشني وبس يحكون مع اختي .. |
لما تشوفين احد يقولك أختك احلى منك .. قولي الجمال جمال الروح وانا بعيون نفسي جميله
ما احتاج رأي اي احد و واثقه من نفسي ( قوليها بطريقه مزحه لاتبينين انك معصبه ومجروحة من كلامهم )
لازم تكون عندك موهبه الرد مو تسكتين
| ولما امي تقول ليش ماقد انخبطتي مثل اختك شكلك بتجلسين مقابلتني بالبيت |
لما أمك تقولك كذا … قولي لو يجي النصيب وانخطب بوافق اليوم قبل بكرى
… وبرضوا بيني أنك مبسوطة ومو متضايقه وقوليها بهدوء
| كثير يابنات اجلس افكر بنفسي واقول ليش حياتي انا كذا واجلس اوسوس وافكر بربي بعدين اتعوذ من الشيطان عشان ربي مايغضب علي |
يا حبيبتي مايحتاج كل هالتفكير واللي تسوينه بنفسك
اجل لو تقرأين مشاكل غيرك وش بتسوين .؟!
ترى مشكلتك جدا عاديه وتحصل كثير بين الاهل والاخوات .
مافي شيء اسمه هذا افضل من هذا وهذا اجمل من هذا
الجمال جمال الروُح والإخلاق
كل إنسان جميل وغير جميل بهالدنيا فيه شيء مميز ومختلف عن غيره
وانتي اكيد فيك شي مختلف عن اختك ومميز ماله داعي تحبطين نفسك
انا متاكدة أنك جميله بس كلام الناس و رأيهم مأثر عليك ومسبب لك ازمة .
شوفي اشكال غيرك ومصايبهم وبتتحمدين ربك على النعمه اللي انت فيها
( قوله تعالى الذي خلقك فسواك فعدلك في أي صورة ما شاء ركبك )
| تى لو تجاهلتهم يابنات مارح تصير حياتي حلوه ..انا من يوم جيت على الدنيا كذا حياتي ماتغيرت لين الحين وانا بعمر العشرين ومرات اقول يمكن انا مكتوبه من الاشقياء |
ولن يصيبنا إلا ماكتب الله لنا
مافي شي أسمه حياتي كذا بتبقى طول العمر
حبيبتي لازم ترضين وتتقبلين الأمر الواقع
انتي ماتدرين وش يصير بكرى يمكن يصير شيء يغير مجرى حياتكم
عشان كذا لازم تتحمدين ربك وتشكرينه على النعِم اللي انت فيها .
| واخاف اموت على شي يغضب ربي ولا انا اللي انبسطت بالدنيا ولا بالاخره ليتني ماجيت على هالدنيا |
واخاف اموت على شي يغضب ربي
شعورك بالخوف هذا لانك مقصره بحق رب العالمين
هل تقراين الاذكار كل يوُم ؟ تقرين قرأن قبل لاتنامين وبصلواتك ؟
صلواتك تصلينها بوقتها ؟ تدعين ربك من قلبكِ !!
كيف حكمتي إنك ماراح تنبسطين لا بالدنيا ولا بالاخره ؟
ترا مايصير تقولين كذا . . الانسان مايدري الايام وش كاتبه لك ووش راه يصير بحياته
وكيف راح تنتهي حياته . . ايش عرفك انك ماراح تموتين وانتي ساجدة ؟ عشان تقولين لا دنيا ولا اخره
كلامك حسسني إن عمرك 70 سنه وشفتي بلاوي الدنيا
ترى لسة انتي ببدايه عمرك وبتشوفين شيء ماشفتيه من هموم ومشاكل
عشان كذا لاتهتمين وثقي بإن الله دايم معاك وماراح يخذلك لو دعيتي له!
نهاية كلامي –
خليك واثقه من نفسكِ ولا تتحطمين بسرعه وتتأثرين من كلام الناس
لاتنسين تدعين وتصلين صلواتك بأوقاتها
تقربي من الله اكثر وبتشوفين السعادة بعيونك
– تإكدي انك جميله بس خليك واثقه من نفِسك –
بالتوفيق
ياالله انتي عندك كميته تشاءم ،، وعدم ثقه ف النفس ،، تدرين انها تأثر عليك والناس يشفونك مو حلوه لأنك ما تشوفين نفسك حلوه !!!! قولي كل يوم انا حلوه انا جميله اهتمي في نفسك في بشرتك في شعرك دوري خلطات اشتري كريمات سوي ماسكات روحي للمشغل غيري صبغت شعرك روحي سوي شوبنق 😉انبسطي ترا الدنيا ماتسوا ،،
مافيه أنثى مو حلوه كلهم حلوات كل أنثى تتميز بشي ،، أبدي من اليوم حبي نفسك عشان اللي حولك يحبونك ،،
