اخواتي العزيزات انقذوني من تجاربكم المضمونة
شعري راح فيها من الصبغة انصحوني
نفس مشكلتي تماماً
قبل سنتين , والآن رجع شعري تقريباً الحمدلله
استخدمت السدر+ ثوم+ زيت جوز الهند
افرك شعري يوميا فيهم اسبوع كامل
و الاسبوع الثاني .. افركه يوم ورى يوم
و الاسبوع الثالث.. افركه يوم وترك يومين
والاسبوع الرابع .. وهكذا
لين تصيرين تستخدمينه كل اسبوع مره وحده
طبعاً تخلينه بشعرك من 4 ساعات الى 6
على حسب ..
طبعاً فيه ريحه.. بس انتبهي من الشامبو لا تكثرين
خليه كله رغوه .. و طريقة غسل شعرك الطريقة الناجحه المعروفه
اللي تقلبينه على قدام وتغسلينه تحت الصنبور وانتي راكعه
مع خمرية زهور الريف.. تختفي الريحه تقريباً
وانتبهي تستخدمين الاستشوار الا للضروره القصوى
اذا انتي تدرسين خليه مجعد, بدون كريمات ولاشي
انتبهي!
شنو بعد .. الصراحه فيه طريقة أحلى تمنيت اني سويتها
انا لما كنت زيّك
اللي هي/ مغلي ماء فصين ثوم+ وبصله وحده
( مالها ريحه )
اذا بردت المويه.. خوذي اللي يكفيك وحطي الباقي
بعلبه بالثلاجه تستفيدين منها باليوم التالي
5 ملاعق سدر(حسب شعرك)+ 3 ملاعق زيت السمسم(ماركة الجمل) + 3ملاعق زيت زيتون+
3 ملاعق زيت خروع
مم وبس, حطيهم على شعرك 4 ساعات وشوفي شعرك وش يصير !!
كلمة روعه قليله .. يكثف+ ينعم
راح تشوفين بعينك شلون يطلع شعرك!!
هذا ما لديّ حسب تجاربي الشخصيه
وربي حاسه فيك, انا جتني حاله نفسي ذيك الأيام
صبغت صبغة سوداء وحت شعري حت!
صار خشن+ وطااح بشكل مريييع!
اللحين مع انتظامي واهتمامي الحمدلله رجع
وانتي اهتمي لا تهملين روحك
واتركي عنك الصبغااات!! ليين يرجع شعرك طبيعي
اصبغي صبغات خفيفه مثل ماركة غارنيه .. حلوه طبيعيه بزيت الزيتون.
ورديلي شلونك اللحين, ووش صار عليك, وش جزمتي تسوين
اي شي تبينه آآمرييني.. ارسلي ع الخاص اذا مارديت عليك هنا
🙂 اختتس .. روريتا
يا اخواتي اصبغة اسود ووديه اغيره فاتح زي لون اشوكلاته مره نفسي فيه ارجوكم ساعدوني
مافهمتك وضحي؟؟؟
