السلام عليكم
كيف العزيمة معكن حبباتي اليوم مع رمضان ان شاء الله تكون قوية ………
ندخل عالموضوع انا بديت اليوم رجيم التمر واللبن مين بدها تكون معي علشان نشجع بعض …
اليوم صحوري كان 7تمرات مع كاسة لبن وشربت معهن كاستين ماء
وان شاء الله الفطرة حتكون 14تمرة مش لازم تاكليهن مرة وحدة المهم تكوني ماكلة 21تمرة فاليوم …ومع التمر عالفطرة اشربي كاسة لبن او كاستين الي بريحك واعمليلك طبق سلطة مشكلة بس بدون ملح وزيت ولازم تضيفي عالسلطة ليمون لازم….اذا بدك عليها زيت حطي اشوي ولا تكتري اقل اشي ممكن….واشربي اكتير ماء ….وبنهاية كل الاسبوع خليه يوم حر بس لاتخبصي وتهبلي اكتير بالكل ماشي…….
بالنسبة للرياضة انا مشيت الصبح نص ساعة وان شاء الله بعد الفطرة رح امشي نص ساعة كمان لحتى يصير المجموع ساعة …….وكمان لازم تعملي رياضة شد العضلات والارداف والكرش او البطن ….
وزني حالك قبل ما تبدي وبعد اسبوع كمان وزني حالك وشوفي كيف بتصيري وادعيلي….
الي بدها تضيف اشي تحكيلنا لحتى نستفيد كلنا ماشي ….دعواتكن حبيباتي
انا هنا جديده وانا اعاني من السمنه
لهيك انا راح ابداء معك بس من اليوم يعني فتنا على الرمضان يعني انا من بكره باكل تمر..
بس عندي سؤال كم بينقص؟؟ في خلال شهر رمضان؟؟
وكمان بعد اذنك عندي اقتراح على الموضوع لو نكون نشرب ملينات للبطن مثللآ نهايه كل اسبوع مره يعني مثلآ كل خميس من كل اسبوع ..
لانه بجد بعد الملين ينزل الوزن 2 كيلو..
الله يقويكو انشالله بالتوفيق انشالله
ماشي يا يمانية بس انا ما بعرف شو الملينات بقصد ما عندي فكرة عنهن ممكن تفيديني^_^
وشكرا لانضمامك يا عسل……….
شكرا على مرورك تالين وشكرا على تشجيعك النا حبيبتي
انا اليوم اعملت بالرجيم وما حسيت بالجوع الا اشوي بس راح بسرعة ……
وحسيت حالي بعد الفطرة نشيطة مش متل باقي الي في البيت قامو مش قدرين يعملو اشوي لانهم اكلو اكتير ههههههههههههههههههه…….
واحلى شي لما تحسي حالك خفيفة صح ولا انا غلطانة……..
مرحبا
وانا اليوم بلشت بريجيم التمر واللبن اكلت على السحور 7 حبات تمر وكاس لبن وشربت ماء دافئ وعلى الفطور اكلت 7 حبات تمر وكاس ماء دافئ ولبن والصراحه حسيت بشبع 
بعد هيك وبصراحه الحمدلله ما حسيت بجوع وعطش طول اليوم الطول 165
الوزن الحالي 74
الهدف الاول 70
الهدف الثاني 65
الوزن النهائي 60
واعبريني من المنضمين معك بالهريجيم
