اارجوكم اطرحو موضوعي بأسرع ما يمكن
بسم الله الرحمن الرحيم
تعبت من كلمة اصبري و انها الحل الوحيد وبطرح مشكلتي يمكن انتو تعطوني حل غير موضوع الصبر
انا بالمره هاديه وعندي فيكو تحكو قواعد ماشيه عليها ومافيني نام في بيت حد يعني عند اهلي اقصى حد بنام اسبوع وبيت زوجي تلت ايام بالكتير مابقدر اتحمل مكان فيه ناس كتير وغالبا بفضل زوجي لما بدو يبات عند اهلو يختار اوقات مايكونو كل اخواني وخواتي مجتمعين هلأ المشكله بدت من قبل اسبوعين تلاته اختو اجاهاتدريب في المستشفى الي بشتغل فيه لمدة شهرين ونصف وهو من اقوى مستشفيات واهلو حكو بدل ما كل يوم تروح مشوار مدتو 3-4ساعات تقعد عندكو لان بيني وبين بيت اهلو ساعتين ومن مستشفى لبيتهم 3 ساعات والمستشفى قريب من بيتي بس40 دقيقه زوجي كلمني بالموضوع وكان عندو رغبه شديده انو اختو تقعد عنها منها امان وقرب اكتر في البدايه كنت متردده ومو حابه بس قلت انو رح يكون نص وقتنا برى البيت ولان زوجي كتير ساعدني باشياء من قبل الزواج كان صعب رد طلبو وع اساس انو كل خميس تروح ع بيت اهلها وترجع السبت من اول يوم اجت وضحتلها كل شي واي شي بتحتاجو وين ممكن تلقاه و اني ما بحب اشياء معينه وانو الخدامه بس بتنظف ما بتعمل اكتر من هيك كنت واضحه معها لكن خلال هالفتره سوت مواقف كتيره سخيفه
اول موقف كنا مروحين من الدوام وكنت كتير تعبانه مافيني روح اعمل عشا فاخدت 5 وجبات من الماك ورحت نمت على طول ما اكلت قمت بدي اتعشى ما لقيت شي بسأل الخدامه بتقلي اكلت وجبتي بس دخلت اختو بتضحك بتقلي انا اكلتهم فكرتها بتمزح طلعت عن جد ماكله 4 وجبات الباقيه انصدمت كيف قدرت يعني هي مو ناصحه ولا اهل زوجي حارمينها من شي او انا بمنع عنها اكل او بستحي قلت معلش يمكن تدريب كان صعب عليها واستهلك طاقه كبيره من جسمها صحيح عيب الواحد يحكي عن الاكل بس لما رحت اتصل بالمطعم قالتلي احسبي حسابي o.0 يعني بحياتي ما شفت هيك وهالاكل الي اكلتو بس 6ساعات
الموقف التاني كنا قاعدين بصالون بنحضر تي في بتحكي لزوجي اليوم المتدريبن الشباب كلهم حوالين مرتك وسمعتهم بحكو ع جسمها وع شكلها وكيف المعلومه بتوصل اسرع منها زوجي وضح انو ماعجبو ورديت عليها قلتلها ان لابسه بالطو كيف بدهم يشوفو جسمي و انا مغطيه فيه ومن بعدها زوجي صاريدقق كتير ع لبسي ويسأل اسئله ما سألني اياها ابدا
وغير هيك الخدامه بتشتكي منها بتقلي كل يوم انا برتب غرفتها وبتطلب مني جيب الها الاكل ع الغرفه وبتاكل ع السرير وكل يوم بغسل شراشف سرير من بقع الاكل هادي بالمره مو نظيفه مسكتها وكلمتها وقلتها انا حكيتلك كل شي من اول يوم ما الها داعي هالتصرفات وانت كبيره عمرك 20 سنه مو بنت صغيره لتعملي هيك والا كأني حكيت مع حد
الموقف التالت السخيف جدا كنت بحكي مع دكتور دايما بياخد راي في اشياء انا امهر منو فيها فاجت وقفت وبتقلو انت دايما بتجي عند مرت اخي افهم لو انها مو متزوجه رح تحبها الدكتور انحرج وارتبك وهي قعدت تضحك وقلتها هاد شي ما بضحك و انتبهي لكلامك احسنلك وتفضلي واعتذرت منو من بعدها خلص مو طايقه شوفها في البيت مابعرف ليش هي بتتصرف هالتصرفات التافهه وليه ببيت اهلها عمرها ما عملت معي حركه غلط
لا وفوق هيك بسمعها بتقول لزوجي بحس مرتك مدايقه مني مع اني ما بعمل شي غلط مابدي تصير بيني وين زوجي واهلو مشاكل من ورى حركاتها ولو صرت حاكيه لزوجي عن موقفها مع الدكتور مو بعيد يضربها مافيني اتحمل باقي المده واتحمل وجودها لانو كل مافيها بتتزانخ اكتر مع انو نص وقتي بشغل وبحكي معها منيح ومابسبها ومابدايقها قرفت منها مو عارفه صارح زوجي واحكيلو اني مو طايقه اختو رح يتحسس ويزعل او احكيلو ع حركاتها بليز بجد شو اعمل حكيت مع اختي وصاحبتي بحكو طنشي و اصبري لحد ما تخلص انا مافيني صبر لو بعرف انها هيك ما دخلتها البيت بس ما بحياتها تصرفت هيك او لاحظت هالشي عليها لما كنت روح عندهم
لا يا اختي لو طنشتي متل ما قالو صحباتك واختك
يمكن تسويلك مشكل اكبر
انتي شفتي كلامها الوقح عنك بالمشفى وتصرفاتها تسببلك مشكل مع زوجك
ورح تقوله كلام يوسوس براسه ويشك فيكي ما انتي قلتي انه سالك كم سؤال ولا مرة كان بباله
لازم تكوني منتبهة منها لاتخرب لك بيتك
مابعرف شو التعامل معاها بس لازم توقفيها عند حدها
الاخوات بيفيدوكي اكتر
حاجه مراا تقهر وقفيها عند حدها ممكن تخرب بيتك من الكلام الفاضي
اما تكلمي زوجك او تكلمي اخت لها واذا تقدري ولك معارف اطلبي منهم نقلها ع مستشفى اخر