بسم الله الرحمن الرحيم
نبدا على بركة الله
عملت سلطة اخدت طريقتها من صاحبتي وحكتلي اسمها السلطة الشركسية
بس كتتتتتتتتتتتتتتتتتتتتتتتير زاكية من وقت ما عملتها وزوجي دايما بيطلبها
وخاصة انو بحب الباتنجان وعلى قد ما بحط بقلي المرة الجاي كتريه اكتر
طبعا الطبق بسيط ولذيذ وسامحوني على بساطته لانو تعبناه شوي من الحمل وبتمنى يعجبكم
المقادير :
بادنجان مقطع مكعبات مقلي
بطاطا مقطعة معكبات مقلية
خس مقطع مكعبات
خبر مقطع مكعبات مقلي
واختياري انا بضيف حمص مسلوق
مقادير الصوص :
كل 3 ملاعق لبن بنحطلها ملعقة مايونيز وفص توم وشوية ليمون ونخفهم
وطبعا بتزيدي حسب الكمية
الطريقة :
بنحط بجاط البايركس البادنجان والبطاطا والخس والحمص وشوية ليمون وانا بضيف من عندي سماق لانو زاكي مع البادنجان وبنحركهم
وبعدها بنحط الخبز المقلي فوقهم
[img]
[/img]
اما الصوص لما نجي نقدمها بنضيف الصوص مشان ما يطرى الخبز ببطل زاكي
[img]
[/img]
المشروبات :ميلك شيك بالموز يمي يمي
المقادير :
كوب حليب سائل
2-3 ملاعق ايس كريم فانيلا
موزة
بنحطهم بالخلاط وبنخلطهم وهي النتيجة بنزيهم بالنعنع والهرشي
وصحتين وهنا على قلبكم بتمنى يكون عجبكم اطباقي المتواضعة
ولا تنسوني من الدعاء
يعطيك العافية يسلمو إيديك أختي العزيزة أنت من أي بلد
ما شاء الله
سلطة خفيف و باين عليها زاكية يكفي فيها الستار باذنجان خخخخخخخخخخ
و الميلك شيك بالرغوة الكثيفة امممممممم يشهي كثير
يسلمو الايادي و ربي يقومك بالسلامة
تم تقييم الموضوع بنجوم
حبيبتي احلى شي هي البساطه
تسلملي هالايدين على هذه السلطه وهذا المشروب
تحياتي
تسلمو يا حلوات على المرور
الاخت يلي سالت انا من انو بلد انا فلسطينية وعايشة بالاردن بس حاليا مغتربة بالخليج ههه
شايفة يا مريومة ربنا ستر هههههه
لو اني بالاردن كان عملتلك طبق تاني بس بدو باتنجان ضغير كتير وما لقيت منو هون
يعطيك العافية سلطة لذيذة من شكلها انا بموت بالباذنجان بكل الاشكال لازم جربها
الله يقومك بالسلامة وتفرحى باحلى بيبى
يمي يمي يسلم هالايدين السلطه باين عليها كثير زاكيه
راح اجربها ان شاءالله
والعصير شكله لذيذ
الله يتمم حملك حبيبتي وتولدي بالسلامه انتي والبيبي
