داخله في حالة إكتئاب

السلام عليكم ورحمة الله

بنات نفسيتي جدا تعبانه وافكر كثير لدرجة صرت مااركز واحس بالام في قلبي

عمري 28 سنة تقم لي شخص اكبر مني بحوالي 10 سنوات ووافقت عليه لم يسبق له الزواج وهالشي محيرني انه وصل لعمر كبير دون زواج فالبداية كان كل شي تمآم وكان مستعجل على الزواج عشان يقدر ينقل لمدينتي .. وسبحان الله نقل قبل ما نملك لما وصلنا لمرحلة الفحص صار يماطل ومايتصل ابد اخذ حوالي شهر ونص من اخر اتصال واتصل من فترة قريب له يسأل ايش صار وقام اخوي يقول له ان ماهو تصرف رجال انه مايتصل ولا يسال ويماطل وعيب اهل البنت هم اللي يتصلون قال لا وابشرو وبكلمه واخليه يكلمكم وياخذ موعد للتحليل .وطبعا ما اتصل ولا شي بس اخذ اسبوع وارسل على الواتس اب موعد التحليل بدون سلام وكلام واهلي اعتبروا هذا الشي اهانه لهم لدرجة ارتفع السكر عند اخوي لانه ماشاف منا الا كل خير اكرمناه ورحبنا فيه
وباهله واخرتها يتصرف تصرف مثل كذا كانه يبينا احنا اللي نتصل وماهي حلوه بحقي
وعلقني اكثر من ثلاث اشهر وامس كان موعد التحليل حسب اللي ارسله اخوي حلف انه ماروح للموعد اذا ماتصل هو وواجه الرجاجيل وفعلا فات الموعد ولا راحت وهو ماتكلم ولا كلمه ابد ابد لاتصال ولا غيره .. ولا ادري ايش وضعي ماتصل ولا ناوي شكله ونا تعبت اعصابي
كل مره اتجهز ويفركش كل شي

هذي تقريبا ثالث خطوبة ماتتم وانا رغم كل مؤهلاتي جميله وجامعيه وموظفه وبنت حسب

الا ان معارفنا قليل ومانخطب كثير بسبب عدم احكاكي بالناس مو لشي لكن لقلة معارفي

كثير افكر كيف راح اتزوج وانا هذا حالي وعمري يمشي وحظي مايل مايمديني افرح شوي

بعدها ينتهي كل شي خايفه على نفسي من الحرام خصوصا اني اعاني من فراغ عاطفي كبير

لكني الهي نفسي واصبرها ان ابن الحلال جاي بإذن الله لكن كل مره ينقلب فرحي حزن

والله تعبت ومليت ومرضت
صرت اخذ حبوب اكتئاب ولا في فايده اتألم لاشفت اللي اصغر مني متزوجين وعندهم عيال وانا للحين وعمري يكبر واتاالم اكثر اذا شفت نفسي ان مافيني شي ينعاب كل شي يتمناه اي رجال فيني لكن حظي مابتسم لي