السلام عليكم ورحمة الله وبركاته
السلام عليكم ورحمة الله وبركاته
عندي استفسار بسيط
بنتي عمرها 6شهور ونص تقريبا وللحين ماطلعت لها اسنان ولا تحبي .. بس تقدر تتقلب وتحب احد يوقفها
المهم لها اربع ايام مرتفعه حرارتها في البدايه كان معها زكام وراحت والسخونة معاها للحين ترتفع حرارتها الى 38 ونص واعطيها خافض الحرارة( أدول ) وتنزل حرارتها شوي وبعد كم ساعة ترجع حرارتها ترتفع مره ثانية….!
ممكن تكون بداية تسنين عندها..؟؟ واذا بداية تسنين ايش تنصحوني احط لها؟؟؟ وايش الاشياء اللي ابعدها عنها؟؟ في هذي الفترة..
واذا فيه دواء ثاني يفيد للسخونة احسن من الأدول ياليت تدلوني عليه
واستفسار ثاني
موعد تطعيمتها حقت ال 6 شهور بعد ثلاث ايام؟؟ أطعمها لو كانت مسخنه؟؟؟ والا اروح للمستوصف وهم يشوفونها ويقولون اذا تطعم والا لأ؟؟
والا مااروح لموعد التطعيمه من الاساس؟
وسؤال ثالث:
كيف اقدر اساعدها واخليها تحبي؟؟؟؟ طفشت وانحرجت كل مارحت لناس قالوا يووووووووه بنتك ماتحبي متأخرة … مدري ايش
مع العلم انه وزنها طبيعي 7 كيلو بعمر 6 شهور
معليش كثرت عليكم بالأسئلة…. عاد اول مولودة لي وماعندي معلومات؟؟
ومالي غيركم بعد الله تساعدوني
وجزاكم الله خييييييييييير
حبيبتي انتبهي تطعميها وهيه تعبانه عواقبها وخيمه انا بنتي عمرها توها داخله التامن امس وهي ماتحبي تنقلب بس ووزنها 6ونص يعني بنتك احسن ماشالله صدقيني مافيها شي عادي في ناس يوصلوا لسنه لايمشوا ولا اسنان عاااادي والناس ترى كذى شغالين حكي معليكي منهم ولا تسلمي اذنك لحد اهم شي بنتك طيبه وصحتها زينه خلاص الناس ماعندهم غير القيل والقال اساليني انا اتمنى اكون افدك
مشكووووووووورة يالغلا
الله يعطيك العافية
وبانتظار باقي الأمهات يفيدوني
حبيبتي اعطيها تمبرا انا استخدمه لاطفالي ممتاز جدا وهو شراب بالعنب واذا ماانخفضت الحراره وديها مستشفى لاتسكتي ترى السخونه شي شين ومو ضروري يكون تسنين ممكن تكون انفلونزا الله يبعد عنها الشر ويطمنك عليها
مشكووورة يالغلا
لاتخافي حبيبتي ولدي عمره 7شهور ونص مايحبي ولايجلس الا بمساعده وماطلعت أسنانه
ومن أمس ترتفع درجة حرارته الى 38 وقالت الدكتوره انه بسبب التهاب في الحلق
هلابك اختي الغاليه
سلامة بنتك يارب
| ممكن تكون بداية تسنين عندها..؟؟ واذا بداية تسنين ايش تنصحوني احط لها؟؟؟ وايش الاشياء اللي ابعدها عنها؟؟ |
بداية تسنين على حسب طفل فيه احد من عمر 4 شهور الى سنتين !!
انصحك با المحلب والكمون (( طريقته فنجان من المحب ونصف فنجان من الكمون مطحونين مع معض
ثم تدهن فيها الثه 3 مرات في اليوم يخفظى الحرارره ويسهل تطليه من تجربتي 000)))
| موعد تطعيمتها حقت ال 6 شهور بعد ثلاث ايام؟؟ أطعمها لو كانت مسخنه؟؟؟ والا اروح للمستوصف وهم يشوفونها ويقولون اذا تطعم والا لأ؟؟ والا مااروح لموعد التطعيمه من الاساس؟ وسؤال ثالث: كيف اقدر اساعدها واخليها تحبي؟؟؟؟ طفشت وانحرجت كل مارحت لناس قالوا يووووووووه بنتك ماتحبي متأخرة … مدري ايش مع العلم انه وزنها طبيعي 7 كيلو بعمر 6 شهور |
اروح للمستوصف وهم يشوفونها ويقولون اذا تطعم والا
حبيبتي طبيعي بعظئ الاطفال يمشون ومايحبون واحد من اطفالي كذاا
وزنه طبيعي جدآآ والله يحفظها يارب
دمتي بود
:::::::::::::::::::::::::::::::::