اخواتي ارجوكم ساعدوني, انا بحاجه الى ردودكم بأسرع وقت
انا عمري 22 سنه , بدأت في دراسه تخصص التصميم الداخلي المفروض تخرجت لكن تزوجت السنه الماضيه وقمت بتأجيل العام الدراسي الأخير لسنه كامله يعني درست ثلاث سنوات كامله و تحملت تعب و شقاء الدراسه و كان الاتفاق مع زوجي اني ارجع اكمل دراستي
الحين انا حملت و زوجي ما عنده مشكله لو اخذت الكورس الأخير في فتره الحمل يكون افضل من بعد الولاده لأنه يصير صعب و مسؤوليه كبيره
المشكله ان جامعتي في الأردن و اهلي أيضا مستقرين في الأردن لكن انا و زوجي نعيش في الرياض
المشكله الكبيره انو والدي اللـــــــــــــــــــه يسامحه دنيا و آخره ما يبيني اكمل دراستي يقول قعدي حق زوجك و بيتك و ما عنا بنات تروح جامعات!!!!!! انا مو باقيلي غير كورس واحد و اتخرج !! والله يا ناس عيوني ما نشفت كثر ما بكيت, صليت استخاره و الحمد لله ثاني يوم كل شيء تيسر دفع زوجي رسوم الجامعه و كل المواد و الشعب الي ابيها مفتوحه يعني ما في اي شي يعيق طريقي غير والدي
امي و اخواني كلهم يقنعونه و هو ما يغير تفكيره
الحين لو انا ما سمعت كلامه و سافرت "برضا من زوجي" هذا يعتبر عقوق والدين ؟؟؟؟؟؟؟؟؟؟؟ ارجوكم و اتوسل اليكم تردون بسرعه الوقت ضيق و موعد بدء الدراسه بيقترب !!!!
قال رسول الله صلى الله عليه وسلم ( طلب العلم فريضة على كل مسلم )..
وقال رسول الله صلى الله عليم وسلم(من سلك طريقا يطلب فيه علما سلك الله به طريقا إلى الجنة)..
شوفي انا مادري بس اعتقد المقصود بها العلم الشرعي وانتي لازم تتأكدي .. واذا طلع المقصود العلم ككل … فوقتها اقولك لا طاعة لمخلوق في معصية الخآلق .. طيعي امك وابوكي الااا في معصية رب العآلمين ..
يا حبيبتي اسمعي
انتي االلحين صرتي مسؤولة من زوجك
ابوكي ماله شغل فيكي ابداااااااااا
اللي فهمته ان ابوكي يبي يبين لزوجك انه يبيكي تهتمي ببيتك وما يهمك غير زوجك وبيتك
يعني مناظر بس < ما يفكر بالمستقبل
وش تفيدك المناظر لو ضيعتي مستقبلك وباقي سنه؟؟ < والله قهررررررر
زوجك راااضي؟؟؟؟؟
خلااااااااااص ما في مشكله!!
واعتقد ابوكي من النوعيه اللي عقليته قديمة <اللي يفكروا ان التعليم ما منه فائدة للبنت ؟؟؟
يعني بيتها وزوجها < على حد قولهم
بصراحة لو كنت مكانك بتحدى الكل او اقنعهم واكمل واخذ الشهادة
لا تتراجعي
كل العلم لله وفي سبيل الله تعالى
كمممممممممملي؛
موفقه خيتو
شوفي حبيبتي انت الان مسؤولة من زوجك، يعني القرار بالمنع او القبول يعود الى زوجك، وبما انه وافق على متابعتك للدراسة فلا مشكلة،وانا اقرا مشكلتك تذكرت قصة كانت دائما تحكيها لنا جدتي عن اهمية اطاعة الزوج وفيها سؤال صعب مثل حالتك هذه يعني هل تطيعي الزوج ام الاب، القصة تقول ان امراة كانت في بيتها وزوجها برة يعني خارج البيت، اتتها امراة من اهلها تقول ان والدها يعاني سكرات الموت واولادو متجمعين ويطلب رؤيتها، لكن الشرع يقول لا يجب على المراة ان تخرج بدون اذن من زوجها واذا فعلت تغضب عليها وتلعنها الملائكة والشمس و،و،و.. لذا ارسلت تلك المراة الى عالم بامور الدين ليفتيها في الامر وعندما سالته قال:ما ان تتزوج المراة تكون طاعة زوجها فوق طاعة والديها تنتظر قدوم الزوج ثم تذهب لابيها.. طبعا هذه القصة من التراث القديم تبتغي به جدتي ان تبين مدى اهمية طاعة الزوج لكن هذا لايعني عقوق الوالدين لاسامح الله او اذا طلب منك الزوج شيئا فيه اذية لهم تطيعيه طبعا لا، المهم هو انك لاتعتبرين عاقة لوالدك لانك لاتفعلين شئ غلط انت تطلبي العلم وبموافقة وتشجيع الزوج، حاولي فقط انت وزوجك التحدث مع والدك بلطف حتى يقتنع لانك كما قلت الجامعة توجد حيث يقيم والديك يعني اكيد سيرتاح زوجك بوجودك مع اهلك، والله اعلم
والله يا ناس ما ابي ازعله.. نفسي يفرحلي و يشد على يدي في التعليم
هو عنده قواعد في حياته ما تتغير, انه البنت ما يصير تشتغل و لازم تبقى في البيت تشوف امور زوجها و احتياجاته
هو مو متفهم عقليه شباب الايام هذي, يعتقد ان الزوج لو انترك لوحده ما يعرف يدبر اموره و لا يعرف يتصرف, ما ألومه على هذا التفكير لأنه طول عمره مدلل من امه "جدتي" و ما يعرف يدبر حاله لو امي سافرت يومين بيت اهلها
توكلت على الله العلي العظيم و ان شاء الله يفرج كربي و ييسر لي اموري
امانه يا اخواتي ادعولي الله يفرج همي و الله محتاجه للدعاء كثير
يعني للحين لساتك محتارة ؟؟؟
شوفي
ابوكي راح يفرح لما يشوفك ناحجة ومتفوقه
وراح تشوفي وتتذكري كلامي
توكلي على الله
وسافري للدراسه
العلم حق من حقوق كل انسان وانسانه مثله من الهواء والاكل
توكلي على الله وكملي دراستج وعاملي والدج احسن معامله واقنعيه
ربي يسر دربج
حبيبتي ممكن اعرف باي جامعه درستي لاني حابه ادرس هذا التخصص انا من الاردن فيديني ولك جزيل الشكر
وبالنسبه لابوك لا مااعتقد انو هذا من عقوق الوالدين عزيزتي 🙂