الوعد باكر

السلام عليكم ورحمة الله وبركاته

الوعد باكر ..
ولو تأخرتي ، لا يجي باكر !
ما أبي باكر بدونك !
أحبسي الفجر فـ عيونك ..
وان شغل طيفي ظنونك !
واعديني بعد باكر ..

أنا ظلي تحت شمسك ..
ولو تغيبي ، ما هووو ظلي !
وانتي اسمك في حياتي ..
يهمسه بعضي لـ كلي !
آه ياضعفي وغرورك ..
اعدلي فيني ، وجوري !
واصدقي .. راعي شعوري ..
وواعديني بعد باكر !

هذا وجهك في عيوني ..
ما رسمته لا وربي ..
واللي يصرخ في ضلوعي ..
هذا صوتك ، ماهو قلبي !

آه ياشمعة وجودي ..
اشعلي نارك في عودي ..
اهجري قلبي ، وعودي ..
وواعديني بعد باكر !