اعمل ايه؟؟؟؟؟؟؟؟؟؟؟؟؟؟؟؟؟؟؟

مرحبا اخواتى العزيزات

انا عندى مشكله وفكرت كتير قبل ما اكتبها لكن علشان تساعدونى فى حلها وهى للاسف انا عارفه انى مليش حق افكر كده بس والله غصب عنى وكل ما افكر فيها اتضايق جدا

مشكلتى انى بأغير على زوجى جدااااااااااااا دى مش المشكله لان كل زوجه حقها تغير على زوجها اما المشكله بقى انى باغير على زوجى من مامته ومن اخوه ومن اصحابه وده لسبب وهو ان مامته بتطلع تقعد معانا من العصر او الظهر ومتنزلش الا الساعه 2 او 3 الفجر واخوه ساعات بيطلع يقعد معاه فى وقت متاخر من الليل واصحابه لما بيخرج معاهم بينسي نفسه وبيتاخر عليا وانا خايفه اصرح له بالكلام ده يتضايق منى

انا مش قصدى احبسه فى البيت وامنعه عن اهله واصحابه انا بابقى عايزة اقعد معاه علشان هو مسافر وبعيد عنى وبينزل شهرين اجازة بس وطول السنه بعيد

انا بجد متضايقه جدا ومش عارفه اللى انا فيه ده طبيعى ولا انا مريضه ولا ده بسبب بعد زوجى عنى